کراچی : پاکستانی طالب علم نے ناسا پروگرام کے مقابلے میں دوسری پوزیشن حاصل کرلی۔
تفصیلات کے مطابق کراچی سے تعلق رکھنے والے میٹرک کے طالب علم شاہ میر اعزاز نے نا سا کے تحت ہونے والے سٹلمنٹ ڈیزائن کونٹسٹ میں دوسری پوزیشن حاصل کر کے قوم کا سر فخر سے بلند کردیا۔
اس مقابلے میں دنیا بھر سے تعلق رکھنے والے طلباء نے نے شرکت کی، مقابلے کا انعقاد ایمز ریسرچ سینٹر کے تعاون سے کیا گیا تھا۔
مذکورہ مقابلے میں حصہ لینے والے طلباء ایک ایسا ماڈل اسپیس سٹی بناتے ہیں کہ جس میں دس ہزار افراد کے رہنے کی گنجائش ہوتی ہے۔
اس ماڈل اسپیس سٹی میں رہائش کے طریقے اوردوران رہائش جو مسائل پیش آتے ہیں ان کو کس طریقے سے حل کرنا ہے سے متعلق پوری معلومات فراہم کی جاتی ہیں۔
