وائرل انفیکشن میں مبتلا قومی ٹیم کے کھلاڑیوں نسیم شاہ اور حسنین سے متعلق اچھی خبر ہے، دونوں کی صحت بہتر ہو گئی ہے۔
تفصیلات کے مطابق پاکستان کرکٹ ٹیم کے فاسٹ بولر نسیم شاہ اور محمد حسنین سہ فریقی سیریز کے لیے نیوزی لینڈ پہنچتے ہی وائرل انفیکشن کا شکار ہو گئے تھے۔
نسیم شاہ کی طبیعت اب بہتر ہو گئی ہے جب کہ فاسٹ بولر محمد حسنین ابھی مکمل آرام کر رہے ہیں، نسیم شاہ نے دو دن نیٹ سیشن بھی کیا، انھوں نے نیٹ پر اکیلے ہی پریکٹس کی۔
قومی کرکٹ ٹیم ایونٹ کے دونوں ابتدائی میچز جیت چکی ہے، پاکستان کرکٹ اسکواڈ آج مکمل آرام کرے گا، اور کل ٹیم کرائسٹ چرچ میں ٹریننگ سیشن کرے گی۔
سہ فریقی ٹی 20 سیریز، پاکستان نے نیوزی لینڈ کو شکست دیدی
سہ فریقی سیریز میں پاکستان ٹیم اپنا اگلا میچ منگل 11 اکتوبر کو نیوزی لینڈ کے خلاف کھیلے گی، جب کہ آج سیریز کے تیسرے میچ میں نیوزی لینڈ اور بنگلادیش ٹکرائیں گے۔
