جمیکا: کیریبین پریمیئر لیگ کے فائنل میچ میں شاندار بولنگ کرنے والے قومی ٹیم کے فاسٹ بولر نسیم شاہ کی ویڈیو سوشل میڈیا پر وائرل ہوگئی۔
تفصیلات کے مطابق کیریبین پریمیئر لیگ کا فائنل سینٹ کٹس اور سینٹ لوشیا کے درمیان کھیلا جارہا ہے، سینٹ لوشیا نے مقررہ اوورز میں 7 وکٹوں کے نقصان پر 159 رنز بنائے اور نسیم شاہ کی ٹیم سینٹ کٹس کو جیت کے لیے 160 رنز کا ہدف دیا، ہدف کے تعاقب میں سینٹ کٹس کی بیٹنگ جاری ہے۔
فائنل میچ کی خاص بات نسیم شاہ کی بولنگ تھی نسیم شاہ نے چار اوورز میں 26 رنز دے کر دو کھلاڑیوں کی پویلین کی راہ دکھائی۔
نسیم شاہ نے شاندار یارکر پر حریف ٹیم کے کھلاڑی 43 رنز پر بولڈ کیا اور ساتھی کھلاڑی شیلڈن کوٹریل کے انداز میں جشن منایا جس کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ نسیم شاہ کی شاندار یارکر پر روسٹن چیس کلین بولڈ ہوگئے۔
نسیم نے فائنل میں ایک اور وکٹ کیمو پال کی حاصل کی، کیمو پال 39 رنز بنا کر پویلین لوٹ گئے۔
Perfect yorker from Naseem Shah in the Caribbean Premier League pic.twitter.com/hYOuScZHwF #CPL2021 #Cricket
— Saj Sadiq (@SajSadiqCricket) September 15, 2021
