وائرل انفیکشن کا شکار نسیم شاہ نے مداحوں کو اپنی صحت سے متعلق آگاہ کر دیا۔
ٹوئٹر پر جاری بیان میں نسیم شاہ نے کہا کہ اللہ کا شکر ہے اب بہتر محسوس کر رہا ہوں اور روبہ صحت ہوں، جلد ہی ملاقات ہو گی۔
انہوں نے تمناوں کا اظہار کرنے والے مداحوں کا شکریہ ادا کرتے ہوئے کہا کہ دعاوں میں یاد رکھنے پر آپ سب کا متشکر ہوں۔
نسیم شاہ نے دعاوں کی اپیل کرتے ہوئے کہا کہ اللہ ہم سب کو محفوظ رکھے اپنی دعاوں میں یاد رکھیں۔
Alhamdulillah, I am feeling better and recovering well. Thank you for keeping me in your prayers!
May Allah protect us all. Duaon main yaad rakhaye ga!
See you all very soon!
— Naseem Shah (@iNaseemShah) September 29, 2022
پاکستان کرکٹ ٹیم کے تیزی سے ابھرتے ہوئے فاسٹ بولر نسیم شاہ نمونیا کا شکار ہونے کے بعد انگلینڈ کے خلاف جاری ہوم سیریز سے باہر ہوگئے ہیں جب کہ نیوزی لینڈ میں شیڈول سہ ملکی ٹی ٹوئنٹی سیریز میں بھی ان کی شرکت مشکوک ہوگئی ہے۔
واضح رہے کہ نسیم شاہ آئندہ ماہ آسٹریلیا میں ہونے والے ٹی ٹوئنٹی ورلڈ کپ کے لیے قومی ٹیم کے اسکواڈ کا حصہ ہیں۔ قومی ٹیم ورلڈ کپ اور اس سے قبل نیوزی لینڈ میں سہ فریقی سیریز کھیلنے کیلیے 3 اکتوبر کو روانہ ہوگی۔