قومی ٹیم کے نوجوان فاسٹ بولر نسیم شاہ نے جم سیشن کی ویڈیو سوشل میڈیا پر شیئر کردی۔
فاسٹ بولر نسیم شاہ نے کندھے کی سرجری کے بعد ری ہیب شروع کردیا ہے، انہوں نے ایکس پر اپنے جم سیشن کی ویڈیو شیئر کی اور اپنی صحت سے متعلق آگاہ کیا۔
نسیم شاہ نے لکھا کہ ’میرا ری ہیب بہت اچھا اور بہترین چل رہا ہے، ماہر ڈاکٹر اور ان کی ٹیم کے ساتھ کام کررہا ہوں۔‘
فاسٹ بولر نے لکھا کہ ملک کے لیے دوبارہ کھیلنے اور گراؤنڈ میں واپسی کا منتظر ہوں، یہ سفر دشوار، تنہا اور نہ ختم ہونے والا ہے۔
انہوں نے کہا کہ قوم کی دعاؤں سے بہتر محسوس کررہا ہوں۔
Slowly but surely… Alhamdulillah for everything.
My rehab is going well, working with Dr. Imtiaz & his incredible team. I’m looking forward to getting back on the pitch and representing my country.
The road is tough, lonely & endless but with your duas I already feel better,… pic.twitter.com/2TVpT4q2u9
— Naseem Shah (@iNaseemShah) October 28, 2023
واضح رہے کہ فاسٹ بولر نسیم شاہ کندھے کی انجری کا شکار ہوکر ورلڈ کپ سے باہر ہوگئے تھے ان کی جگہ حسن علی ورلڈ کپ میں قومی ٹیم کی نمائندگی کررہے ہیں۔
