The news is by your side.

کرکٹر نسیم شاہ کے بعد بھارتی ماڈل اروشی روٹیلا نے بھی خاموشی توڑ‌دی

ممبئی : پاکستانی کرکٹر نسیم شاہ کے حوالے سے بھارتی ماڈل و اداکارہ اورشی روٹیلا کی جانب سے سوشل میڈیا پر پوسٹ کی گئی ویڈیو پر اداکارہ نے خاموشی توڑ دی۔

تفصیلات کے مطابق اروشی روٹیلا نے ایک فین پیچ سے شیئر کی گئی ایڈٹ ویڈیو کو اپنی انسٹاگرام اسٹوری پر شیئر کیا جس سے بظاہر یہ تاثر پھیلا کہ بھارتی اداکارہ بھی فاسٹ بولر نسیم شاہ سے متاثر ہیں۔

اسکرین گریب

اب اس حوالے سے ان کا وضاحتی بیان بھی سامنے آگیا ہے، جس کے بعد نسیم شاہ اور اداکارہ کے درمیان پھیلنے والی افواہیں دم توڑ گئیں۔

اروشی روٹیلا کی جانب سے شیئر کی گئی انسٹاگرام پوسٹ میں ان کا کہنا ہے کہ کچھ دن قبل میری ٹیم نے فینز کی ایڈیٹ کی گئی تمام خوبصورت ویڈیوز شیئر کیں۔

ان ویڈیوز کے بارے کسی کو علم نہیں تھا کہ ویڈیوز میں کون کون لوگ ہیں، تاہم میری میڈیا سے درخواست ہے کہ برائے مہربانی کسی بھی قسم کی خبریں بنانے سے گریز کریں۔

یادرہے کہ اس سے قبل پاکستانی فاسٹ بالر نسیم شاہ کی جانب سے بھارتی ماڈل گرل اروشی روٹیلا کے حوالے سے لاعلمی کا اظہار کیا گیا تھا۔

Comments

یہ بھی پڑھیں