قومی ٹیم کے نوجوان فاسٹ بولر نسیم شاہ کے والد کا کہنا ہے کہ نسیم کی کرکٹ کی وجہ سے خوب پٹائی لگائی تھی۔
اے آر وائی نیوز کے مطابق قومی فاسٹ بولر نسیم شاہ کے والد کا کہنا ہے کہ نسیم شاہ کی کرکٹ کی وجہ سے پٹائی لگائی اور آج اسی کھیل نے سر فخر سے بلند کردیا۔
ان کے والد کا کہنا تھا کہ جب وہ کہتا تھا کہ میں پاکستان سے کھیلوں گا تو ہمیں ہنسی آتی تھی کہ چھوٹے سے ڈسٹرکٹ کا لڑکا کہاں پاکستان کی ٹیم میں کھیلے گا۔
انہوں نے مزید کہا کہ نسیم کو کامیابی اس کی والدہ کی دعاؤں سے ملی۔
واضح رہے کہ ایشیا کپ میں افغانستان کے خلاف میچ میں نسیم شاہ نے دو گیندوں پر دو چھکے لگا کر افغانستان سے یقینی فتح چھین لی تھی۔
Naseem Shah ❣️
Unforgettable 6️⃣6️⃣#PAKvAFG #NaseemShah #BabarAzam #AsiaCup2022Final #AsiaCup2022 #shaheenafridi pic.twitter.com/wDAE2Wpkin— (@muhamadhar00n) September 10, 2022
میچ کے بعد نسیم شاہ نے گفتگو کرتے ہوئے کہا تھا کہ پورا بھروسہ تھا کہ ہم میچ جیت سکتے ہیں نیٹ میں پریکٹس کرتے ہیں اس لیے یہ یہی اعتماد تھا کہ ہم ہدف پورا کر لیں گے۔
ان کا کہنا تھا کہ جانتا تھا کہ بولر یارکر کرنے کی کوشش کرے گا اور مجھے یقین تھا کہ میں چھکے مار سکتا ہوں اور ایسا ہی ہوا کوشش کی جو پوری ہو گئی۔
