The news is by your side.

Advertisement

میری بیٹی نے بہت ہمت کی لیکن وہ ہار گئی ، نشوہ کے والد

کراچی: بچی نشوہ کے والد قیصرعلی کا کہنا ہے نشوہ ہارگئی،ظلم جیت گیا، میری بیٹی نے بہت ہمت کی لیکن وہ ہار گئی، خداراسب مل کرآوازاٹھائیں تاکہ کل کسی اور کی بیٹی نہ جائے۔

تفصیلات کے مطابق بچی نشوہ کے والد قیصرعلی نے میڈیا سےگفتگو کرتے ہوئے کہا میری بیٹی نے بہت ہمت کی لیکن وہ ہار گئی، میری بیٹی چلی گئی ہے۔

قیصرعلی نے اپیل کی خداراسب مل کرآوازاٹھائیں تاکہ کل کسی اور کی بیٹی نہ جائے، کیااس طرح کے واقعات ہوتےرہیں گے؟ حکام آتے رہیں گےمگرکارروائی نہیں ہوگی، خبربنتی رہےگی، تصویریں کھنچتی رہیں،ہوناکچھ نہیں، ہم یہاں کسی کوبچانہیں سکتے۔

نشوہ کے والد کا کہنا تھا نشوہ کی نمازجنازہ بعد نماز عصر ساڑھے 5بجے ادا کی جائےگی اور پہلوان گوٹھ قبرستان میں تدفین کی جائے گی۔

بعد ازاں نشوہ کے والد نے سوشل میڈیا پر پیغام میں کہا نشوہ ہارگئی،ظلم جیت گیا۔

مزید پڑھیں : غلط انجکشن سے متاثر ہونے والی 9 ماہ کی بچی نشوہ زندگی کی بازی ہار گئی

یاد رہے نوماہ کی نشوہ کودارالصحت اسپتال میں غلط انجکشن لگایا گیا تھا، طبیعت بگڑنےپرنشوہ کولیاقت نیشنل اسپتال منتقل کیا گیا اور کئی روز زندگی اورموت کی جنگ لڑنے والی نشوہ آج خالق حقیقی سے جاملی ، وہ لیاقت نیشنل اسپتال کے آئی سی یو میں ایک ہفتےتک زیرعلاج رہی۔

ڈاکٹروں کےمطابق معصوم نشوہ کا دماغ غلط انجکشن لگنےستر فیصد متاثرہواتھا۔

خیال رہے والد نےاسپتال انتظامیہ کے خلاف مقدمہ شارع فیصل تھانےمیں درج کرا یا۔پولیس نےدارلصحت اسپتال سےچارافرادکو حراست میں لیا۔ نیٹ اسپتال انتظامیہ نےبچی کے والدین کی ہر طرح سے مدد کا اعلان کیاتھا۔

Comments

comments

یہ بھی پڑھیں