The news is by your side.

Advertisement

تمام صنعتی اداروں‌ کو فائر بریگیڈ سسٹم دینے کے لیے تیار ہیں، ناصر شاہ

کراچی: وزیر اطلاعات، ٹرانسپورٹ اور لیبر سندھ ناصر حسین شاہ نے کہا ہے کہ ملک کے دیگر شہروں میں منصوبے تیار ہوجاتے ہیں مگر ہمیں فنڈ نہیں ملتے، میٹرو بس پر بھاری زرتلافی دی جاتی ہے جو سندھ حکومت برداشت نہیں کرسکتی،ایسی کمپنیاں ہمارے پاس بھی آئی تھیں اور کک بیکس دینے کو بھی تیار تھیں مگر ہم نہیں مانے۔

کورنگی ایسوسی ایشن آف ٹریڈ انڈسٹری میں صنعت کاروں سے خطاب کرتے ہوئے وزیر ٹرانسپورٹ اور لیبر سندھ ناصر حسین شاہ نے کہا ہے کہ گرتی ہوئی برآمدات اور صنعت کاروں کے مسائل کو مشترکہ مفادات کونسل میں اٹھایا جائے گا، میں نے کبھی یہ نہیں کہا کہ سندھ میں کرپشن نہیں ہے تاہم جس نے عوام کا پیسہ کھایا ہے اسے بھگتنا ہوگا۔

ناصر حسین شاہ نے کہا کہ فیکٹریوں میں کام کرنے والے تمام مزدوروں کی رجسٹریشن نہیں کرائی گئی، شہر میں ٹرانسپورٹ کے مسئلے سے نمٹنے کے لیے سٹی بس سروس شروع کی جارہی ہے، کورنگی سے یلو لائن منصوبے کے تعطل میں سندھ حکومت کی کوئی غلطی نہیں، اس منصوبے کے لیے ہمیں قرض نہیں مل سکا۔

ناصر حسین شاہ نے اعلان کیا کہ کراچی کے تمام صنعتی علاقوں کو فائر بریگیڈ کا سسٹم دینے کو تیار ہیں، پالیسی بنائی جائے گی لیکن فائر سسٹم صنعتی انجمنوں کو ہی چلانا ہوگا۔

کورنگی ایسوسی ایشن کے صدر مسعود نقی نے کہا کہ فائربریگیڈ، ٹریفک جام اور انفرا اسٹرکچر کی بدحالی بڑے مسائل ہیں۔ انہوں نے مطالبہ کیا کہ ورکرز ویلفیئر فنڈ سے کورنگی میں مزدوروں کی رہائشی اسکیم کا اعلان کیا جائے۔

Print Friendly, PDF & Email

Comments

comments

یہ بھی پڑھیں