The news is by your side.

Advertisement

پیپلز پارٹی کے رہنما ناصرشاہ نے وفاقی منی بجٹ کی تعریف کردی

 کراچی : سندھ کےصوبائی وزیرناصرحسین شاہ منی بجٹ کے معترف ہوگئے، حکومت کے پیش کردہ منی بجٹ کی تعریف کرتے ہوئے کہا  کہ پی ٹی آئی نے اس بجٹ میں کاروباری حضرات کو ریلیف دیا ہے۔

تفصیلات کے مطابق صوبائی وزیرناصرحسین شاہ نے میڈیا سے گفتگو کرتے ہوئے کہا ہے کہ تجاوزات سےمتعلق عدالتی احکامات پرعمل کررہےہیں، جوغلط الاٹمنٹ ہوئی ہیں ملوث افراد کو سزائیں دی جارہی ہیں۔ انہوں نے وفاقی وزیر اطلاعات فوادچوہدری  پر تبصرہ کرتے ہوئے کہا کہ صرف باتیں کرتے ہیں اور باتیں کرکے توجہ دوسری جانب لےجاتےہیں۔

وزیراعظم کوسانحہ ساہیوال پرجوڈیشل کمیشن کی طرف جاناچاہیے

ناصر حسین شاہ

ساہیوال واقعے کے حوالے سے ناصرحسین شاہ کا کہنا تھا کہ سانحہ ساہیوال پرپنجاب حکومت کی جانب سےمتنازع بیانات آئے، کبھی کہامعصوم ہیں کبھی کہادہشت گردتھے، جےآئی ٹی رپورٹ کوبھی متنازع کردیاگیاہے، وزیراعظم کوسانحہ ساہیوال پرجوڈیشل کمیشن کی طرف جاناچاہیے۔

رہنما پی پی نے کہا کہ جعلی اکاؤنٹس جے آئی ٹی من گھڑت تھی، پی پی کو ٹارگٹ کیاگیا، جےآئی ٹی میں صرف پیپلز پارٹی قیادت کونشانہ بنایاگیا، عدالت نے کہا کہ جےآئی ٹی میں بلاول بھٹوکانام غلط تھا، عدالت کی طرف سے جو فیصلہ آیا وہ مختلف تھا، جج صاحب سے پوچھ سکتے ہیں کہ سرآپ پرکیا دباؤ تھاجو فیصلہ مختلف تھا۔

حکومت کے پیش کردہ منی بجٹ کی تعریفیں کرتے ہوئے سندھ کےصوبائی وزیر کا کہنا تھا کہ منی بجٹ میں کچھ بہترچیزیں بھی دی گئی ہیں، پی ٹی آئی نے اس بجٹ میں کاروباری حضرات کو ریلیف دیا۔

پی ایس ایل کافائنل انشااللہ کراچی میں ہوگا

انھوں نے مزید کہا تھا کہ بلدیاتی ترامیم اپوزیشن کی مشاورت سےلائی گئی، احتجاج انہوں نےکیاجن کاایک بھی میئراورناظم نہیں، عدالتی احکامات سےکئی کاموں میں رکاوٹیں آتی ہیں۔

صوبائی وزیر کا مزید کہنا تھا کہ پی ایس ایل کےلیےبہترین انتظامات کیےجارہےہیں، پی ایس ایل کافائنل انشااللہ کراچی میں ہوگا۔

ناصرحسین شاہ نے کہا سندھ حکومت نےجنگلات کی زمین کی کسی کوالاٹمنٹ نہیں کی، جنگلات کی زمین سےمتعلق جوباتیں کی جارہی ہیں سب غلط ہیں، کچھ علاقوں میں کچہریوں کی جانب سےزمینیں دینےکےمعاملات تھے، سندھ حکومت ایسی زمینوں کی الاٹمنٹ پرکام کررہی ہے۔

دوسری جانب مشیراطلاعات سندھ مرتضیٰ وہاب نے حکومت پر تنقید کرتے ہوئے منی بجٹ کوغریبوں پربم قرار دیا ہے۔

Comments

comments

یہ بھی پڑھیں