چیئرمین پی آئی اے ناصرجعفر اپنے عہدے سے مستعفی ہوگئے

کراچی : پی آئی اے کےچیئرمین ناصرجعفر نےاستعفیٰ دےدیا، ان کا کہنا ہے کہ ملازمین کی ہلاکت کے واقعےکے بعد عہدے پر رہنے کیلئے دل نہیں مانتا۔

تفصیلات کے مطابق کراچی میں پی آئی اے ملازمین پر فائرنگ سے ہلاکتوں کے بعد پی آئی اے کے چیئرمین ناصر جعفر نے اس واقعہ کی ذمہ داری قبول کرتے ہوئے استعفیٰ دیدیا ہے۔

انہوں نے کہا کہ ملازمین کی ہلاکت کے بعد میرے ضمیر پر بوجھ ہے اور اب میرا کام کرنے کو دل نہیں کرتا۔

ناصرجعفر نے کا کہنا ہے کہ انہوں نے اپنااستعفیٰ وزیراعظم نوازشریف کوبھجوا دیا ہے۔ انہوں نے کہا کہ میں ایک سال سے سب کو اکٹھا کرنے کی کوشش کررہا تھا۔ تنازعہ کے حل کیلئے اپنی پوری کوششیں کیں لیکن افسوس ہے کہ ایسا واقعہ ہوگیا۔

Comments