The news is by your side.

افغانستان کے حالات کی ذمہ دارعالمی طاقتیں ہیں‘ ناصرجنجوعہ

آکسفورڈ : سابق مشیر قومی سلامتی لیفٹیننٹ جنرل (ر) ناصرخان جنجوعہ کا کہنا ہے کہ سی پیک پاکستان کی ترقی ، خوشحالی میں اہم کردار ادا کرے گا۔

تفصیلات کے مطابق سابق مشیر قومی سلامتی لیفٹیننٹ جنرل (ر) ناصر جنجوعہ نے آکسفورڈ یونیورسٹی میں دہشت گردی کے خلاف جنگ میں پاکستان کے کردارپراظہار خیال کرتے ہوئے کہا کہ افغانستان کے حالات کی ذمہ دارعالمی طاقتیں ہیں۔

ناصرجنجوعہ کا کہنا تھا کہ سی پیک پاکستان کی ترقی ، خوشحالی میں اہم کردار ادا کرے گا۔

سابق مشیر قومی سلامتی کا آکسفورڈ یونیورسٹی یونیورسٹی میں تقریب سے خطاب کرتے ہوئے کہا کہ پاک بھارت ایٹمی طاقتیں ہیں، جنگ مسائل کا حل نہیں، دونوں ممالک ماضی کو بھول کرمستقبل کے لیے مذاکرات شروع کریں۔

افغانستان میں امن کے خواہاں ہیں، پاکستان کی قربانیوں کا اعتراف کیا جانا چاہئے‘ شاہ محمود


یاد رہے کہ گزشتہ ماہ واشنگٹن میں یونائیٹڈ انسٹیٹیوٹ آف پیس کی تقریب سے خطاب کرتے ہوئے وزیرخارجہ شاہ محمود قریشی کا کہنا تھا کہ قیام امن کے لیے پاکستان کی قربانیوں کا اعتراف کیا جانا چاہئے، ہم افغانستان میں امن کے خواہاں ہیں۔

وزیرخارجہ کا کہنا تھا کہ افغانستان میں مشکلات کا پاکستان پر الزام لگانا مناسب نہیں کیوں کہ افغانستان کے ساتھ بہتر تعلقات چاہتے ہیں۔

Comments

یہ بھی پڑھیں