کراچی کے بلدیاتی انتخابات پر مخالف سیاسی جماعتوں کی جانب سے الزامات پر صوبائی وزیر ناصر شاہ نے ردعمل کا اظہار کیا ہے۔
اے آر وائی نیوز کے مطابق سندھ میں بلدیاتی انتخابات کے دوسرے مرحلے میں کراچی اور حیدرآباد ڈویژن کے 16 اضلاع میں ہونے والے بلدیاتی انتخابات کے نتائج آنے اور پیپلز پارٹی کے سبقت لینے پر مخالف سیاسی جماعتوں کی جانب سے دھاندلی کے الزامات لگائے جا رہے ہیں بالخصوص کراچی کے نتائج پر شدید اعتراضات سامنے آ رہے ہیں۔
اس صورتحال میں پاکستان پیپلز پارٹی کے رہنما اور صوبائی وزیر ناصر حسین شاہ نے سماجی رابطوں کی ویب سائٹ ٹوئٹر پر ردعمل کا اظہار کیا ہے۔
ناصر شاہ نے اپنے ٹوئٹ میں کہا ہے کہ کراچی نے ہمیشہ پاکستان کی سیاست کا رُخ متعین کیا ہے۔ ماضی میں کراچی سے 14 سیٹیں دے کر پی ٹی آئی کو مرکزی پارٹی بنانے کی کوشش کی گئی لیکن ہم نے ایک بار پھر پی ٹی آئی کو شکست دے کر مستقبل کی سیاست کا طبل بجا دیا ہے۔
کا ذمہ دار کوئ اور نہیں PTI کی نااہلیت کرپشن جھوٹے وعدے ضرورت سے زیادہ خوش فہمی رہی ۔اب PTI کے حواری دھاندلی کا بیانیہ بنارہے ہیں اگرواقعی دھاندلی ہوئ ہے تو عدالت جاؤ ٹوئٹر پر آکر زہر نہیں پھیلاؤ سچ پتا چل جاۓ گا۔مگر یہ پارٹی صرف لوگوں کو سوشل میڈیا کے ذریعے بدگمان کرنا جانتی ہے
— Syed Nasir Hussain Shah (@SyedNasirHShah) January 17, 2023
صوبائی وزیر نے کہا کہ اب پی ٹی آئی کے حواری دھاندلی کا بیانیہ بنا رہے ہیں۔ اگر دھاندلی ہوئی ہے تو عدالت جاؤ، ٹوئٹر پر زہر نہ پھیلاؤ۔