کراچی : صوبائی اینٹی کرپشن کورٹ نے نسلہ ٹاور کیس میں سابق ڈی جی ایس بی سی اےمنظورقادرکاکا پر فرد جرم عائد کرنے 7نومبر کی تاریخ مقرر کردی۔
تفصیلات کے مطابق صوبائی اینٹی کرپشن کورٹ میں نسلہ ٹاورکو غیرقانونی اضافی زمین دینے کے کیس کی سماعت ہوئی۔
عدالت نے سابق ڈی جی ایس بی سی اے منظور قادر کاکا و دیگر کے خلاف فرد جرم عائد کرنے کیلئے تاریخ مقرر کردی اور کہا ملزمان پر7نومبرکوترمیمی فردجرم عائد کی جائے گی۔
خیال رہے ملزم منظور قادر کاکا، خیرمحمدڈاہری نے سندھ ہائیکورٹ سےضمانت حاصل کررکھی ہے ، ملزمان کے خلاف سپریم کورٹ کےحکم پرمقدمہ درج کیا گیا تھا۔
ملزمان میں سابق ڈی جی ایس بی سی اےمنظورقادرکاکا سمیت دیگر کونامزدکیاگیا تھا جبکہ سپریم کورٹ کے حکم پر نسلہ ٹاور کو بھی مسمار کیا گیا۔
