site
stats
سندھ

کارکن نعیم زیرحراست جاں بحق ہو ئے، نسرین جلیل

کراچی : ایم کیو ایم پاکستان کی رہنما نسرین جلیل نے کہا ہے کہ سینٹرل جیل انتظامیہ کی غفلت اور طبی سہولیات کی عدم دستیابی کے باعث قیمتی جانوں کا ضیاع ہورہا ہے،کارکن طبی سہولیات کی عدم دستیابی کے باعث جاں بحق ہو گئے۔

ایم کیو ایم پاکستان کی رہنما نسرین جلیل کراچی پریس کلب میں پریس کانفرنس سے خطاب کررہی تھیں ان کے ہمراہ اراکین صوبائی اسمبلی محفوظ یار خان اور سردار احمد بھی موجود تھے، انہوں نے بتایا کہ گزشتہ روز جیل میں ایم کیو ایم پاکستان کے کارکن نعیم علاج معالجے کی عدم دستیابی کے باعث جا ں بحق ہوگئے ہیں انہیں سانس لینے میں دشواری محسوس ہو رہی تھی۔

نسرین جلیل کا کہنا تھا کہ چھ ہزار سے زائد قیدیوں کے لیے سینٹرل جیل میں کوئی اسپتال موجود نہیں ہے صفر پچیس بیڈ پر مشتمل ایک ڈسپینسری ہے جو کہ ناکافی ہے یہی وجہ ہے کہ کارکن نعیم فوری طبی امداد نہ ملنے کے باعث ہو گیا اور ایسے واقعات سینٹرل جیل میں معمول بن گئے ہیں۔

انہوں نے مطالبہ کیا کہ ہر ضلع میں ایک جیل ہونی چاہئے تا کہ سینٹرل جیل سے رش کم ہو جب کہ سینٹرل جیل میں علاج معالجہ کی بہتر سہولیات کے لیے فراہمی کے لیے جدید اسپتال تعمیر کیا جائے تب تک ڈسپینسری کو فعال اور موثر بنایا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top