The news is by your side.

Advertisement

نسرین جلیل کے سیکیورٹی گارڈ کے قتل میں ملوث ملزمان گرفتار

کراچی : نیوکراچی میں دو سٹی وارڈنز اور بچی کے قتل میں ملوث ملزمان کو گرفتار کرلیا گیا، گرفتار ٹارگٹ کلر کی انٹروگیشن رپورٹ اے آروائی نیوز نے حاصل کرلی۔

تفصیلات کے مطابق نیوکراچی کے علاقے شاہراہ نورجہاں میں ایم کیو ایم کی رہنما نسرین جلیل کے سیکیورٹی گارڈ، دو سٹی وارڈنز اور ایک بچی کے قتل میں ملوّث ٹارگٹ کلرز پکڑے گئے۔

انٹروگیشن رپورٹ اے آر وائی نیوز کو موصول ہوگئی، رپورٹ کے مطابق ملزمان نے چائنہ کٹنگ کے تنازعہ پراہلکاروں کو قتل کیا تھا۔

گرفتارٹارگٹ کلرز نے اس سے قبل زمینوں پرقبضے اور تین اسٹیٹ ایجنٹس کو قتل کرنے کا بھی اعتراف کیا ہے۔ ملزمان نے انکشاف کیا واردات کے بعد پینتیس ہزار روپے ملے اور قتل سے پہلے سترہ ہزار پانچ سو روپے کے موبائل فون بھی دلائے گئے تھے۔

ایس ایس پی نوید خواجہ کے مطابق گرفتار ملزمان کا تعلق سیاسی جماعت کے عسکری ونگ سے ہے،ملزمان کے دیگرساتھیوں کی گرفتاری کیلئے چھاپےمارےجارہے ہیں۔

 

Comments

comments

یہ بھی پڑھیں