site
stats
پاکستان

نیشنل ایکشن پلان کوہرصورت پوراکیاجائےگا، ممنون حسین

کراچی : صدر مملکت ممنون حسین نے کہا ہے کہ مسلح افواج اورحکومت نیشنل ایکشن پلان پرعمل پیراہیں،کسی کو کوئی شبہ نہیں ہوناچاہئے، نیشنل ایکشن پلان کوہرصورت پوراکیاجائےگا۔

ان خیالات کا اظہار انہوں نے پی این ایس اکیڈمی میں یوم دفاع کی گولڈن جوبلی کی تقریب سے خطاب کرتے ہوئے کیا،تفصیلات کے مطابق یوم دفاع کی گولڈن جوبلی کے سلسلے میں کراچی میں پاکستان نیوی کی جانب سے ایک تقریب کا انعقاد کیا گیا، جس میں پیشہ وارانہ صلاحیتوں کا مظاہرہ کیا گیا۔

چار جہتی دفاعی صلاحیتوں کے مظاہرے میں پاکستان نیوی کے بحری جہازوں ، ایئرکرافٹ اور آبدوزوں نے شرکت کی۔ تقریب میں صدر ممنون حسین خصوصی طور پر شریک ہوئے۔

اس موقع پر خطاب میں ان کا کہنا تھاکہ پاک بحریہ نے 1965کی جنگ میں خود سے تین گنا بڑے دشمن کو شکست دی ،پاک بحریہ کے جوان مبارک باد کے مستحق ہیں، پاک بحریہ کی صلاحیتوں کامظاہرہ قوم کیلئےاعتماد کا مظہرہے،گوادربندرگاہ سےپاک بحریہ کی ذمہ داریوں میں اضافہ ہوگیاہے۔

صدر نے کہا کہ پاکستان امن پسند ملک ہے، ہمسایہ ممالک سےبرابری کی سطح پرتعلقات چاہتے ہیں۔ مسلح افواج ہر قسم کی جارحیت سے نمٹنے کی صلاحیت رکھتی ہیں۔ اقتصادی راہداری کے منصوبے پر تیزی سے کام جاری ہے اور کام میں کسی قسم کی رکاوٹ برداشت نہیں کی جائے گی.

ممنون حسین نے کہا کہ نیشنل ایکشن پلان کی تکمیل پرجلد ہی پاکستان ایک پرامن ملک بن جائےگا، صدر ممنون نے کہا کہ ملک سےدہشت گردوں کا مکمل صفایا کیا جائے گا، اب دہشت گردی،بدعنوانی،کرپشن کوبرداشت نہیں کیاجائےگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top