قومی اسمبلی اجلاس: حکومتی اراکین کی عدم شرکت، متعدد بل التوا کا شکار -
The news is by your side.

Advertisement

قومی اسمبلی اجلاس: حکومتی اراکین کی عدم شرکت، متعدد بل التوا کا شکار

اسلام آباد: قومی اسمبلی کے اجلاس کے دوران حکومت کورم پورا کرنے میں ناکام رہی۔ حکومتی اراکین کی قومی اسمبلی کے اجلاس میں عدم دلچسپی کی وجہ سے متعدد بل التوا کا شکار ہوگئے۔

تفصیلات کے مطابق اسپیکر قومی اسمبلی سردار ایاز صادق کی زیر صارت ہونے والے اجلاس میں چوتھے روز بھی کورم پورا نہ ہونے کے باعث خارجہ پالیسی اور روہنگیا مسلمانوں پر مظالم کے خلاف بحث مکمل نہ ہو سکی۔

اجلاس میں وفاقی وزرا اور پارلیمانی سیکریٹریوں کی بھی حاضری مایوس کن رہی۔

وزارت تعلیم و تربیت سے متعلق سوال کا جواب نہ آنے پر اسپیکر ایاز صادق نے برہمی کا اظہار کیا۔ اسپیکر نے وزیر تعلیم
و تربیت اور سیکریٹری تعلیم کو چیمبر میں طلب کرلیا۔

کورم پورا نہ ہونے کے باعث اسپیکر قومی اسمبلی اجلاس مقررہ وقت سے پہلے ملتوی کرنے پر مجبور ہوگئے۔ اجلاس کو پیر تک ملتوی کر دیا گیا۔


 

Comments

comments

یہ بھی پڑھیں