لاہور: قومی ٹیم کے ہیڈ کوچ مصباح الحق نے کرکٹ ٹیم سے متعلق بڑی خوشخبری سنادی ہے۔
تفصیلات کے مطابق قومی ٹیم کے ہیڈ کوچ مصباح الحق نے لاہور میں ورچوئل پریس کانفرنس کی اور قوم کو خوشخبری سنائی کہ حسن علی سمیت تمام کھلاڑیوں کے کروناٹیسٹ کلیئر ہیں اور تمام کھلاڑی کل جنوبی افریقہ کے لئے سفر کریں گے۔
مصباح الحق نے بتایا کہ جنوبی افریقہ کیخلاف سیریز اہم ہے، امید ہے کھلاڑی اچھی پرفارمنس دینگے۔
ورچوئل پریس کانفرنس میں ہیڈ کوچ مصباح الحق کا کہنا تھا کہ شرجیل خان ہماری رضا مندی کے بغیر ٹیم میں نہیں آیا، ہم نے دائیں ہاتھ کے جارح مزاج بلے باز کے لئے لمبی پلاننگ کر رکھی ہے، سزا مکمل ہونے کے بعد شرجیل خان کو قانون کھیلنے سے نہیں روکتا۔
قومی ٹیم کے ہیڈ کوچ نے واضح کیا کہ کسی کھلاڑی کی فٹنس پر کوئی سمجھوتہ نہیں کیا جائے گا، شرجیل اپنی فٹنس کو بہتر بنانے کے لئے مسلسل کوشاں ہیں اور ان کی فٹنس میں بہتری آرہی ہے۔
آئی سی سی کی ون ڈے رینکنگ میں پانچویں نمبر پر براجمان عماد وسیم سے متعلق ہیڈ کوچ نے کہا کہ عماد وسیم تجربہ کار کھلاڑی ہیں مگر دورہ جنوبی افریقا اور زمبابوے میں انہیں آرام دیا گیا ہے، ان کا کہنا تھا کہ یہ میری یا پی سی بی کی نہیں پاکستان کی ٹیم ہے۔
ورچوئل پریس کانفرنس میں نے اس بات کی تردید کی کہ کوئی کھلاڑی بائیو سیکیورببل کی وجہ سے ذہنی تباؤ کا شکار نہیں ہوا، ہماری کوشش تھی کم سےکم وقت تک کھلاڑیوں کوببل میں رکھا جائے۔
پاک بھارت کرکٹ سیریز سے متعلق پاک بھارت سیریز جب ہو گی تو دیکھی جائے گی، فی الحال موجودہ کرکٹ کی طرف دیکھ رہے ہیں۔
یہ بھی پڑھیں: پچیس مارچ 1992، جب پاکستان کرکٹ ٹیم نے ناممکن کو ممکن کر دکھایا
دوسری جانب قومی اسکواڈ میں شامل تمام پینتیس ارکان کے کووڈ نائینٹین ٹیسٹ کی رپورٹ منفی آگئی ہے، پینتیس ارکان میں بائیس کھلاڑی اور تیرہ ٹیم آفیشلز شامل ہیں۔
قومی کرکٹ ٹیم کل صبح ساڑھےنو بجے بذریعہ چارٹرڈ فلائٹ جوہانسبرگ روانہ ہوگی، دورہ جنوبی افریقہ میں پاکستان کو تین ون ڈے اور تین ٹی ٹوئنٹی میچز کھیلنے ہیں ، ایک روزہ سیریز کا آغازدو اپریل سے ہوگا۔
