The news is by your side.

Advertisement

قومی کرکٹ ٹیم کا دورہ انگلینڈ، پی سی بی کو انگلش بورڈ سے جواب کا انتظار

لاہور: قومی کرکٹ ٹیم کے دورہ انگلینڈ سے متعلق پاکستان کرکٹ بورڈ(پی سی بی) اور انگلش کرکٹ بورڈ(ای سی بی) میں رابطے جاری ہیں، انگلش بورڈ کے جواب کے بعد سلیکشن کمیٹی ٹیم کا انتخاب کرے گی۔

تفصیلات کے مطابق پی سی بی کو قومی ٹیم کی قبل ازوقت انگلینڈ روانگی کے معاملے پر انگلش بورڈ کے جواب کا انتظار ہے۔ قومی کرکٹ بورڈ نے اضافی پریکٹس میچز اور ٹریننگ سیشنز کے لیے درخواست کر رکھی ہے، انگلش بورڈ کے جواب کے بعد سلیکشن کمیٹی ٹیم کا انتخاب کرے گی۔

ذرائع کا کہنا ہے کہ سلیکشن کمیٹی نے ٹیم کے انتخاب پر ابتدائی مشاورت مکمل کرلی، انگلش بورڈ میں ٹور کا حتمی شیڈول طے پانے کے بعد ٹیم کا اعلان ہوگا، ٹیسٹ اور ٹی ٹوئنٹی اسکواڈ کے 25کھلاڑی انگلینڈ روانہ ہوں گے۔

قومی کرکٹ ٹیم کا دورہ انگلینڈ، سلیکشن کمیٹی کب فیصلہ کرے گی؟

ذرائع نے بتایا کہ سینٹرل کنٹریکٹ اور ایمر جنگ کیٹگری کے 21کھلاڑیوں کے علاوہ دیگر آپشنز زیر غور ہیں۔

دورہ انگلینڈ کے لیے فوادعالم، عمران خان سینئر، بلال آصف، محمدموسیٰ، روحیل نذیر، خوش دل شاہ، آصف علی، کاشف بھٹی، محمدحفیظ، شعیب ملک، وہاب ریاض اور محمدعامر کے نام زیرغور ہیں۔

یاد رہے کہ 20 مئی کو اپنے ایک بیان میں پاکستان کرکٹ بورڈ (پی سی بی) کے چیف ایگزیکٹو وسیم خان کا کہنا تھا کہ دورہ انگلینڈ کے حوالے سے کھلاڑیوں کے پاس دستبرداری کا آپشن موجود ہوگا۔

Comments

یہ بھی پڑھیں