اسلام آباد: قومی کرکٹرز نے ورلڈ ٹائٹل فائٹ کے لیے عثمان وزیر کے لیے نیک تمناؤں کا اظہار کیا ہے۔
تفصیلات کے مطابق دنیائے باکسنگ میں پاکستان کے لیے آج ایک تاریخی دن ہے، پروفیشنل باکسنگ میں پہلا ورلڈ ٹائٹل جیتنے کا عزم لیے انٹرنیشنل باکسر عثمان وزیر آج رنگ میں اتریں گے۔
قومی کرکٹرز شاداب خان، محمد حفیظ، سرفراز احمد، سہیل تنویر اور دیگر نے بھی عثمان وزیر کے لیے نیک تمناؤں کا اظہار کیا ہے۔
ورلڈ باکسنگ آرگنائزیشن کے تحت ہونے والی ورلڈ یوتھ ٹائٹل فائٹ آج تھائی لینڈ کے شہر بنکاک میں کھیلی جائے گی، جہاں قومی ہیرو تھائی لینڈ کے باکسر سومپوت سیسا سے مقابلہ کریں گے۔
قومی کرکٹ ٹیم کے نائب کپتان شاداب خان نے قومی باکسر کے لیے اپنے ٹویٹ میں لکھا ’’میرے بھائی عثمان وزیر کے لیے نیک تمنائیں، پاکستان کا سر فخر سے بلند کرو، پاکستان زندہ باد۔‘‘
Mere bhai @WazeerUsman ke liye best wishes. Make Pakistan proud. #PakistanZindabad pic.twitter.com/wPASBrjrnh
— Shadab Khan (@76Shadabkhan) September 28, 2022
سابق کپتان محمد حفیظ نے اپنے ٹویٹ میں باکسر عثمان وزیر کی کامیابی کے لیے گڈ لک کہتے ہوئے لکھا کہ ’’عثمان وزیر آپ پاکستان کا چہرہ ہیں، یہ ٹائٹل جیت کر پاکستان کا نام روشن کریں۔‘‘
Wishing you good luck dear @WazeerUsman for tomorrow's boxing 🥊 fight. U r face of Pakistan 🇵🇰 make us proud. All the best 🤲🏼
— Mohammad Hafeez (@MHafeez22) September 27, 2022
سابق کپتان سرفراز احمد کو بھی عثمان وزیر کی جیت کا یقین ہے، اپنے ٹویٹ میں سرفراز احمد نے قوم کو قومی باکسر کی جیت کے لیے دعاؤں کی درخواست کی۔
Our own 🇵🇰 boxing 🥊 champ THE ASIAN BOY @WazeerUsman is fighting WBO YOUTH TITLE on 28th of this month against Thailand 🇹🇭 Boxer, let's support him. Govt should also help & support him. I'm sure he will be the winner INSHA'ALLAH pic.twitter.com/D0e8MnX7NV
— Sarfaraz Ahmed (@SarfarazA_54) September 15, 2022
معروف آل راؤنڈر سہیل تنویر، فاسٹ باؤلر موسیٰ خان، سلمان ارشاد اور اسامہ میر نے بھی اپنے آفیشل ٹویٹر اکاؤنٹس سے قومی باکسر عثمان وزیر کے لیے نیک تمناؤں کا اظہار کیا۔
All the best to my brother @WazeerUsman for tomorrow’s fight https://t.co/BoVS5Hqo92
— Sohail Tanveer (@sohailmalik614) September 27, 2022
قومی مایہ ناز باکسر عثمان وزیر کی یہ نویں پروفیشنل باکسنگ فائٹ ہوگی، جس میں اب تک وہ تمام مقابلوں میں کامیابی سے ہم کنار ہوئے ہیں۔ عثمان وزیر پاکستان کے پہلے باکسر ہیں جنھوں نے ڈبلیو بی او ورلڈ یوتھ ٹائٹل کے لیے کوالیفائی کیا ہے۔
Best wishes for @WazeerUsman may Allah bless you. Make Pakistan win The Youth World Title. Pakistan stands with you. pic.twitter.com/L6uH21sml3
— Musa Khan (@iMusaKhan) September 19, 2022
عثمان وزیر نے اپنے ویڈیو پیغام میں کہا ہے کہ وہ اپنی زندگی کی سب سے بڑی فائٹ لڑنے کے لیے پُرجوش ہیں، یوتھ ورلڈ ٹائٹل فائٹ کے لیے کوالیفائی کرنا اعزاز ہے۔ انھوں نے کہا کہ وہ ورلڈ ٹائٹل جیت کر پاکستان کا نام روشن کرنا چاہتے ہیں۔
پاکستانی پروفیشنل باکسر نے قوم سے کامیابی کے لیے دعاؤں کی اپیل بھی کی۔