اسلام آباد : وزیراعظم عمران خان نے چین کے قومی دن کے موقع پر کہا ہے کہ پاک چین تعلقات مضبوط سے مضبوط تر ہورہے ہیں، ہمیشہ چین کی ترقی اور کرپشن کیخلاف جدوجہد کا معترف رہا ہوں۔
یہ بات انہوں نے چین کے70ویں قومی دن پر پوری قوم کی جانب سے حقیقی اور غیرمتزلزل دوست چین کو مبارکباد دیتے ہوئے کہی۔
وزیراعظم عمران خان نے کہا کہ میں ہمیشہ چین کی ترقی اور کرپشن کیخلاف جدوجہد کا معترف رہا ہوں، پاک چین تعلقات مضبوط سے مضبوط ترہورہے ہیں۔
سی پیک پاک چین دوستی کی بہترین مثال ہے، وزیراعظم کا کہنا تھا کہ پاکستان اورچین گہرے دوست اور ہمسائےہیں، چین کی معاشی کامیابی ترقی پذیر ممالک کے لئے مثال ہے۔
انہوں نے کہا کہ چین پاکستان سی پیک اور اسٹریٹجک شراکت داری کا فروغ چاہتے ہیں، چین کے ساتھ تعلقات کو پاکستانی عوام خصوصی اہمیت دیتے ہیں۔
مزید پڑھیں: 21 مئی، پاک چین دوستی کا تاریخی دن
واضح رہے کہ پاکستان اور چین نے اپنی دوستی کے سفر کا آغاز 21 مئی 1951 سے کیا تھا، یہ رشتہ وقت کے ساتھ ساتھ مضبوط ہوتا رہا اور آج 68 برس گزرنے کے بعد بھی دونوں ممالک کے درمیان مثالی دوستی قائم ہے۔
