The news is by your side.

Advertisement

کرپشن کے خلاف قومی ایمرجنسی نافذ کی جائے: پاکستان اکانومی واچ

اسلام آباد: پاکستان اکانومی واچ کے چیئرمین برگیڈئیر ریٹائرڈ محمد اسلم خان نے کہا ہے کہ ملکی خزانہ لوٹنے والوں کی جانب سے حکومت اور نیب پر الزامات کی بوچھاڑ قابل مذمت ہے۔

تفصیلات کے مطابق اپنے ایک بیان میں محمد اسلم خان کا کہنا تھا کہ کرپشن کے خلاف قومی ایمرجنسی نافذ ہونی جاہیئے تاکہ چوروں کا سدباب کیا جاسکے۔

انہوں نے کہا کہ حریف سیاسی جماعتیں جنھوں نے کبھی ملک و قوم کے لیے اختلافات نہیں بھلائے اب کرپشن بچانے کے لئے متحد ہوگئی ہیں، اس لئے عوام ان کے دھوکے میں نہیں آئیں گے۔

پاکستان اکانومی واچ کے چیئرمین کا کہنا تھا کہ حکومت نیب کا بجٹ اختیارات اور اہلکاروں کی تنخواہیں بڑھا کر اسے وسعت دے تاکہ اسکی کارروائیوں میں تیزی لائی جاسکے اور کرپشن کا جن بوتل میں بند کرنا ممکن ہو جائے۔

نامساعد حالات میں بجٹ مناسب ہے جبکہ اعتراضات بےجا ہیں، پاکستان اکانومی واچ

برگیڈئیر ریٹائرڈ محمد اسلم خان نے مزید کہا کہ کرپشن پاکستان کا سب سے بڑا مسئلہ ہے، کرپٹ عناصر کو اس وقت تک خوفزدہ نہیں کیا جا سکتا جب تک ان پر اسلامی سزائیں لاگو نہ کی جائیں یا چین کے ماڈل کی نقل کی جائے، پاکستان میں بھی سخت سزائیں اور جرمانے رائج کئے جائیں اور کالے دھن کے خلاف ایمرجنسی نافذ کی جائے۔

Comments

comments

یہ بھی پڑھیں