تازہ ترین

قومی مکسڈ مارشل آرٹس فیڈریشن کی تشکیل کے لیے اہم قدم

لاہور: قومی مکسڈ مارشل آرٹس فیڈریشن کی تشکیل کے لیے کمیٹیاں بنا لی گئیں۔

تفصیلات کے مطابق آج جمعرات کو پاکستان اولمپک ہاؤس لاہور میں مکسڈ مارشل آرٹس کی انتظامی کمیٹی کا پہلا اجلاس چیئرمین سید وسیم الدین ہاشمی کی صدارت میں منعقد ہوا۔

اجلاس میں قومی مکسڈ مارشل آرٹس فیڈریشن کی تشکیل سمیت مختلف امور کی انجام دہی پر تفصیل سے غور کیا گیا۔

اجلاس میں مکسڈ مارشل آرٹس سے متعلق تمام معاملات کو خوش اسلوبی سے حل کرنے کے لیے مختلف کمیٹیوں کی تشکیل اور ان کے ارکان کے ناموں کی منظوری دی گئی۔

آئینی کمیٹی کے کنوینئیر سید وسیم الدین ہاشمی اور سیکریٹری محمد خالد محمود ہوں گے، لیفٹیننٹ کرنل (ر) محمد ناصر اعجاز ٹنگ کو بھی کمیٹی میں شامل ہوں گے۔

قومی سلیکشن کمیٹی کے لیے محمد جہانگیر چیئرمین اور لیفٹیننٹ کرنل (ر) محمد ناصر اعجاز ٹنگ کے ناموں کی منظوری دی گئی ہے، جب کہ دیگر ممبران کے نام صوبوں کے نمائندوں سے مشاورت اور وسیم الدین ہاشمی سے منظوری کے بعد شامل کیے جائیں گے۔

دریں اثنا، اجلاس میں کرنل (ر) محمد ناصر اعجاز ٹنگ کو ایشین مکسڈ مارشل آرٹس ایسوسی ایشن کے بورڈ آف ڈائریکٹرز کا ممبر منتخب ہونے پر مبارک باد بھی پیش کی گئی۔

Comments

- Advertisement -
علی حسن
علی حسن
علی حسن اے آروائی نیوز سے اسپورٹس رپورٹر کی حیثیت سے وابستہ ہیں اور کھیلوں کے معاملات میں گہری دلچسپی رکھتے ہیں