جمعہ, فروری 7, 2025
اشتہار

قومی سولر انرجی پالیسی کا اعلان یکم اگست کو کیا جائے گا

اشتہار

حیرت انگیز

اسلام آباد : انرجی ٹاسک فورس نے قومی سولرانرجی پالیسی کا نفاذ مشترکہ مفادات کونسل کی منظوری سے مشروط کردیا۔

تفصیلات کے مطابق وزیراعظم شہباز شریف کی زیرصدارت انرجی ٹاسک فورس کا اجلاس ہوا ، جس میں قومی سولر انرجی پالیسی کا نفاذ مشترکہ مفادات کونسل کی منظوری سے مشروط کردیا گیا۔

اجلاس میں کہا گیا کہ قومی سولرانرجی پالیسی کا اعلان یکم اگست کو کیا جائے گا ، وزیراعظم ہاؤس اور وزیراعظم آفس کو ایک مہینے کے اندر سولر پر منتقل کر دیا جائے گا۔

وزیراعظم نے کہا کہ عوام کوسستی ، ماحول دوست بجلی کی فراہمی حکومت کی اولین ترجیح ہے، حکومت کی کوشش ہےملک کوتوانائی کےشعبےمیں خود کفیل بنائے۔

یاد رہے میٹرو بس سروس کی افتتاحی تقریب سے خطاب کرتے ہوئے شہباز شریف نے کہا تھا کہ تیل اور گیس کی قیمتوں نے لوگوں کوپریشان کر رکھا ہے،اللہ کا شکر ہے قیمتوں میں کچھ کمی ہوئی ہے۔

ان کا کہنا تھا کہ بجلی بہت مہنگی بن رہی ہے، جتنی جلد تیل کی قیمت کم ہوگی،اتنی ہی بجلی سستی بنے گی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں