کراچی : نیشنل اسٹیڈیم کا اسکور بورڈ ٹوٹ پھوٹ کا شکار National Statdium
The news is by your side.

Advertisement

کراچی : نیشنل اسٹیڈیم کا اسکور بورڈ تزئین و آرائش کا منتظر

کراچی: موسمی حالات کا سامنا کرتے کرتے نیشنل اسٹیڈیم کے اسکورنگ بورڈ کی شکل و صورت بھی بدل گئی اور بورڈ کے کنارے ٹوٹ گئے جبکہ زنگ کے داغوں سے مزین اسکور کے ہندسے ابھی بھی سجتے چلے آرہے ہیں۔

تفصیلات کے مطابق انٹرنیشنل کرکٹ ٹیموں کی آمد کا سلسلہ بند ہوتے ہی ملک کے اسٹیڈیم بھی اجڑنے لگے، کراچی میں واقع نیشنل اسٹیڈیم کا اسکور بورڈ کے کارڈز پر زنگ لگ گیا جبکہ بورڈ کے کنارے بھی ٹوٹنے لگے۔

انتظامیہ کے مطابق اسٹیڈیم میں مرمت اور خستہ حال چیزوں کی تبدیلی کا کام بہت جلد شروع ہونے والا ہے تاہم کچھ چیزیں ایسی بھی ہیں کہ جنہیں توجہ کی فوری ضروت ہے۔

بین الاقوامی سطح پر ہونے والے کرکٹ کے مقابلے ہوں یا پھر ڈومیسٹک سیزن کے مقابلے، لوہے سے تیارہ کردہ یہ اسکورنگ بورڈ گزشتہ پندرہ سالوں سے کھلاڑیوں اور ٹیموں کی کارکردگی کو اجاگر کرنے کیلئے زیراستعمال ہیں تاہم ڈومیسٹک کے بڑے ٹورنامنٹس کی وجہ سے سے کبھی کبھار ان کی مرمت کی جاتی ہے جس سے ان کو نئی زندگی مل جاتی ہے۔

 واضح رہے سال دوہزار نو میں آخری مرتبہ بین الاقوامی کرکٹ میچ پاکستان اور سری لنکا کے درمیان کھیلا گیا تھا، دونوں ٹیموں کے مابین ٹیسٹ سیریز کا پہلے میچ ڈرا رہا جبکہ ون ڈے سیریز کے دوسرے میچ میں سری لنکا کو کامیابی ملی تھی، تمام میچز میں اس اسکورنگ بورڈ کا بھی کردار رہا تھا۔

نیشنل اسٹیڈیم میں نصب اسکورنگ بورڈ کو بھی اپنی مرمت کا بے صبری سے انتظار ہے کہ کب کوئی بڑا مقابلہ ہو اور اس کی بگڑی ہوئی شکل و صورت  کو دوبارہ سنوارا جا سکے ساتھ ہی بورڈ اس بات کا بھی منتظر ہے کہ کوئی غیر ملکی ٹیم نیشنل اسٹیڈیم میں قدم رکھے اور اس مینوئل بورڈ پر ہندسے دوبارہ سجائے جاسکیں۔

Comments

comments

یہ بھی پڑھیں