The news is by your side.

نیشنل اسٹیڈیم : جعلی ٹکٹوں کی خرید و فروخت کرنے والے11ملزمان گرفتار

کراچی : نیشنل اسٹیڈیم میں جاری پاکستان اور انگلینڈ کے درمیان چوتھے ٹی ٹوئنٹی میچ سے قبل جعل سازوں نے ٹکٹوں کی فروخت شروع کردی، پولیس نے 11 افراد کو حراست میں لے لیا۔

گرفتارشدگان میں جعلی ٹکٹیں خریدنے اور بیچنے والے شامل ہیں، اس حوالے سے پولیس ذرائع کا کہنا ہے کہ سیریز کا چوتھا ٹی ٹوئنٹی میچ اتوار کے روز شیڈول تھا جس کی وجہ سے ٹکٹس کی طلب میں زیادہ اضافہ ہوگیا تھا۔

نوسر بازوں سے جعلی ٹکٹ لینے والے شائقین جب اسٹیڈیم کے گیٹ پر پہنچے تو انتظامیہ نے چیکنگ کے بعد انہیں داخلے سے روک دیا اس موقع پر موجود اہلکاروں نے انہیں اپنی حراست میں لے لیا۔

عزیز بھٹی پولیس کے مطابق جن 10لوگوں نے جعلی ٹکٹس خریدے انہیں بھی پکڑ کر تھانے لے جایا گیا تھا تاہم ابتدائی تحقیقات کے بعد جعلی ٹکٹس خریدنے والے شہریوں کو چھوڑ دیا گیا۔

پولیس حکام کا کہنا ہے کہ سدیس رضا نامی شخص کے پاس سے19جعلی ٹکٹس برآمد ہوئے ہیں ، یہی ملزم جعلی ٹکٹس فروخت کررہا تھا پولیس نے کو باقاعدہ گرفتارکرکے مقدمہ درج کرلیا ہے۔

Comments

یہ بھی پڑھیں