The news is by your side.

Advertisement

آسٹریلیا کو ہوم گراؤنڈ میں ڈھیر کرنے کا چیلنج، قومی ٹیم برسبین پہنچ گئی

برسبین: آسٹریلیا کو ٹیسٹ سیریز میں ہوم پر گراؤنڈ پر ڈھیر کرنے کا چیلنج لیے پاکستانی ٹیسٹ ٹیم برسبین پہنچ گئی، آج سے پریکٹس سیشن کا آغاز ہوگا۔

تفصیلات کے مطابق قومی کرکٹ ٹیم پرتھ میں دو پریکٹس میچز کھیلنے کے بعد آسٹریلوی شہر برسبین پہنچ گئی، قومی ٹیم آج سے پریکٹس سیشن کا آغاز کرے گی، پاکستان اور آسٹریلیا کے درمیان دو ٹیسٹ کی سیریز کا پہلا میچ جمعرات سے برسبین میں شروع ہوگا۔

آسٹریلوی فاسٹ بولر جیمزپیٹن سن کوڈآف کنڈکٹ کی خلاف ورزی پر پہلے ٹیسٹ میچ سے باہر ہوگئے۔

پاکستان اور آسٹریلیا کے درمیان پہلا ٹیسٹ 21 نومبر سے برسبین میں شروع ہوگا۔ آسٹریلیا نے پاکستان کے خلاف ٹیسٹ سیریز کے لیے اسکواڈ کا اعلان کردیا ہے، پاکستان سے دو دو ہاتھ کرنے کے لیے کپتان ٹم پین، ڈیوڈ وارنر، اسٹیو اسمتھ، مچل اسٹارک، کیمرون بینکروفٹ، جوبرنز، پیٹ کمنز اور جوش ہیذل ووڈ اسکواڈ میں شامل کیے گئے ہیں۔

اس کے علاوہ دیگر کھلاڑیوں میں ٹریوس ہیڈ، لبوشین، نیتھن لائن، مائیکل نیسر، جیمز پیٹنسن اور میتھیو ویڈ بھی اسکواڈ کا حصہ ہوں گے، پاکستان اور آسٹریلیا کے درمیان 2 ٹیسٹ میچز کی سیریز کھیلی جائے گی، دونوں ٹیموں کے درمیان پہلا ٹیسٹ 21 نومبر سے برسبین میں شروع ہوگا۔

قومی ٹیسٹ کرکٹ ٹیم کی تیاریوں پر ڈین جونز کا سوالیہ نشان

دوسری جانب سابق آسٹریلوی ٹیسٹ کرکٹر ڈین جونز نے آسٹریلیا کے خلاف ٹیسٹ سیریز کے لیے پاکستان کی تیاریوں پر کئی سوالات اٹھا دیے، کہتے ہیں گرین کیپس نے جنوری کے بعد کوئی ٹیسٹ میچ نہیں کھیلا، کیا ایک 3 اور ایک 2 روزہ پریکٹس میچ کھیلنا مشکل سیریز کی تیاریوں کے لیے کافی ہوگا؟

Comments

comments

یہ بھی پڑھیں