The news is by your side.

Advertisement

افغانستان میں شکست اور آبدوزیں : نیٹو ممالک کا اتحاد خطرے میں پڑ گیا

برسلز : نیٹو کے جنرل سکریٹری ینس اسٹولٹنبرگ نے رکن ملکوں کو اس تنظیم کے بکھرنے سے متعلق خبردار کردیا ہے۔ ان کا کہنا ہے کہ “آکوس” معاہدہ نیٹوکے ٹوٹنے کا سبب نہ بنے۔

تفصیلات کے مطابق آسٹریلیا امریکا اور برطانیہ کی جانب سے حال ہی میں کئے گئے جوہری آبدوزوں کے آکوس معاہدے نے نیٹو کی بنیادیں ہلا دی ہیں اور اب اس تنظیم اور اتحاد کے ٹوٹنے کا خدشہ پیدا ہوگیا ہے۔

اطلاعات کے مطابق نیٹو کے جنرل سکریٹری نے رکن ملکوں کو اس تنظیم کے بکھرنے کی بابت خبردار کیا ہے۔ ینس اسٹولٹنبرگ نے رکن ملکوں سے اپیل کی کہ وہ دھیان رکھیں کہ کہیں امریکہ، برطانیہ اور آسٹریلیا کے درمیان ہوئے ’آکوس‘ نامی معاہدے کو لے کر اختلاف، نیٹو تنظیم کے ٹوٹنے کا سبب نہ بنے۔

انہوں نے برسلز میں نیٹو کے رکن ملکوں کے وزرائے دفاع کے اجلاس سے پہلے بدھ کے روز اہم پریس کانفرنس کی جس میں رکن ممالک کو خبردار کیا گیا۔

انہوں نے کہا کہ آکوس معاہدے اور افغانستان کے بارے میں اختلافات سے اس بنیادی اصول میں تبدیلی نہیں آئی ہے کہ یوروپ اور شمالی امریکہ کو ایک دوسرے کے ساتھ ہونا چاہیئے۔

ینس اسٹولٹنبرگ کا مزید کہنا تھا کہ انہیں عالمی چیلنجز کا مقابلہ کرنے کے لئے مل کر کام کرنے کی ضرورت ہے، انہوں نے کہا کہ ہمیں مقابلوں سے بھری دنیا کا سامنا ہے، اس لئے ایک دوسرے کا ساتھ دینا اہم ہے۔

Comments

یہ بھی پڑھیں