بچوں کی شرارتیں تو عام سی بات ہے مگر چند بچے شرارت کرتے وقت ذہانت کا بھی استعمال کرتے ہیں جنہیں دیکھ کر سب دنگ رہ جاتے ہیں۔
والدین یا گھر کے بڑے چھوٹے بچوں جن کی عمریں بالخصوص پانچ برس سے کم ہوں اُن پر خصوصی نظر رکھتے ہیں کیونکہ انہیں اس بات کا بخوبی علم ہوتا ہے کہ بچے اگر کسی بات کا ارادہ کرلیں تو وہ چوٹ کی پرواہ کیے بغیر ہر وہ کام کر گزرتے ہیں جن سے انہیں روکا جاتا ہے۔
انٹرنیٹ پر وائرل ہونے والی ایک ویڈیو اس بات کا منہ بولتا ثبوت ہے جسے دیکھ کر دیگر صارفین کی طرح آپ بھی حیران رہ جائیں گے۔
ویڈیو میں نظر آنے والےبچے کی عمر تین سے چار سال کے درمیان ہے، یہ بچہ اس قدر ذہین اور شرارتی ہے کہ یہ اپنے والدین کو بہ آسانی چکما دے سکتا ہے۔
ویڈیو میں دیکھا جاسکتا ہے کہ والد نے بچے کو اونچے جنگلے والے جھولے میں سونے کے لیے لٹایا مگر اُس کا کھیلنے کا موڈ تھا اس لیے وہ نکل کر بیڈ (بستر) پر پہنچ گیا۔
مقطع يستحق مشاهدتكم 🎬 pic.twitter.com/5S4JjnnTtR
— شاهد فيديو (@shahdvideo) October 29, 2019
بچے نے کمال ذہانت کے ساتھ بستر کو ہٹایا اور پھر اُس میں سے ٹانگیں نکال کر اپنے بستر (فریم) کو بڑے بیڈ کی طرف کیا جس کے بعد وہ اوپر چڑھا اور پھر اپنے بستر سے باہر نکل گیا۔
