The news is by your side.

Advertisement

پاک بحریہ کسی بھی جارحیت کامنہ توڑ جواب دینے کو تیار ہے، امیر البحر

اسلام آباد: نیول چیف نے پاکستان نیوی فلیٹ کی آپریشنل تیاریوں پر اطمینان کا اظہار کیا ہے۔

تفصیلات کے مطابق پاک بحریہ کی سالانہ فلیٹ ایفیشنسی کمپٹیشن پریڈ دوہزار بیس کا پاکستان نیوی ڈاکیارڈ کراچی میں انعقاد کیا گیا، پریڈ کے مہمان خصوصی  چیف آف نیول اسٹاف ایڈمِرل محمد امجد خان نیازی تھے۔

ترجمان پاک بحریہ کے مطابق نیول چیف نے پاکستان نیوی فلیٹ کی آپریشنل تیاریوں پر اطمینان کا اظہار کرتے ہوئے کہا کہ پاک بحریہ کا سمندر،گوادر پورٹ اور سی پیک کی سکیورٹی میں اہم کردار ہے۔امیر البحر محمد امجد خان نیازی نے تقریب سے خطاب میں ایک بار پھر اس عزم کا اظہار کیا کہ پاک بحریہ خطے کے بدلتے جیو پولٹیکل حالات سے بخوبی واقف ہے اور کسی بھی جارحیت کا منہ توڑ جواب دینے کو تیار ہے۔

یہ بھی پڑھیں:  پاک بحریہ نے ملکی دفاع ناقابل تسخیر بنانے کا ایک اور سنگ میل طے کرلیا

پریڈ کے دوران نیول چیف نے فرائض کی انجام دہی میں فلیٹ یونٹس اور افسران کے جذبے کو سراہا، بعد ازاں مہمانِ خصوصی نے بہترین کارکردگی والے یونٹس کو ایفیشنسی شیلڈز سے نوازا۔

Comments

یہ بھی پڑھیں