راولپنڈی : چیئرمین جوائنٹ چیفس آف اسٹاف کمیٹی جنرل ندیم رضا نے ملاقات میں پاک نیوی کی کمان سنبھالنے پر ایڈمرل امجدخان کومبارکباد دی اور پاک بحریہ کی آپریشنل تیاریوں پراطمینان کااظہار کیا۔
پاک فوج کے شعبہ تعلقات عامہ ( آئی ایس پی آر ) کے مطابق نیول چیف ایڈمرل امجدخان نیازی نے جوائنٹ اسٹاف ہیڈکوارٹرز راولپنڈی کا دورہ کیا اور چیئرمین جوائنٹ چیفس آف اسٹاف کمیٹی جنرل ندیم رضاسے ملاقات کی۔
ملاقات میں جنرل ندیم رضا نے پاک نیوی کی کمان سنبھالنے پر ایڈمرل امجدخان کومبارکباد دی اور پاک بحریہ کی آپریشنل تیاریوں پراطمینان کااظہار کیا۔
اس سے قبل نئے نیول چیف ایڈمرل امجد خان نیازی نے جی ایچ کیو کا دورہ کیا اور آرمی چیف جنرل قمر جاوید باجوہ سے ملاقات کی ، ملاقات میں پیشہ ورانہ دلچسپی کے امور پر تبادلہ خیال کیا گیا۔
آرمی چیف جنرل قمر جاوید باجوہ نے ایڈمرل امجد خان کو پاک بحریہ کی کمان سنبھالنے پر مبارک باد دیتے ہوئے کہا توقع ہے ان کی قیادت میں پاک بحریہ نئی بلندیاں طے کرے گی۔
اس موقع پر امیر البحر ایڈمرل امجد خان نیازی نے یادگار شہدا پر حاضری دی اور فاتحہ بھی پڑھی۔
خیال رہے کہ 7 اکتوبر کو ایڈمرل امجد خان نیازی نے بطور نیول چیف پاک بحریہ کی کمان سنبھالی تھی، ایڈمرل امجد خان نیازی پاک بحریہ کے 22 ویں سربراہ ہیں۔
