The news is by your side.

Advertisement

پاک بحریہ کے سربراہ کی کینیا کے عسکری حکام سے اہم ملاقاتیں

اسلام آباد: پاک بحریہ کے سربراہ ایڈمرل ظفر محمود عباسی نے کینیا کے ڈیفنس ہیڈکوارٹرز کا دورہ کیا۔

پاک بحریہ کے ترجمان کی جانب سے جاری اعلامیے کے مطابق پاکستان نیوی کے سربراہ ایڈمرل ظفر محمود عباسی سرکاری دورے پر کینیا پہنچے جہاں انہوں نے ڈیفنس ہیڈکوارٹرز کا دورہ بھی کیا۔

ڈیفنس ہیڈکوارٹرز دورے کے موقع پر کینیا کے چیف آف ڈیفنس فورسز اور آرمی کے کمانڈر نے نیول چیف کا پرتپاک استقبال کیاجبکہ مہمان کو  گارڈ آف آنر پیش بھی پیش کیا گیا۔

ترجمان کے مطابق سربراہ پاک بحریہ نے کینیاکے چیف آف ڈیفنس فورسز اور ڈیفنس کیبنٹ سیکرٹری سے مشترکہ ملاقات کی جس مین باہمی دلچسپی کے امور اور دو طرفہ تعاون پر سیر حاصل گفتگو ہوئی۔

کینیاکے چیف آف ڈیفنس فورسز اور ڈیفنس کیبنٹ سیکرٹری نے خطے میں امن و استحکام کے قیام کے سلسلے میں پاک بحریہ کے کردار کو بھی سراہا۔ پاک بحریہ کے ترجمان کا کہنا ہے کہ نیول چیف کا یہ دورہ دونوں ممالک کے درمیان باہمی تعلقات کے فروغ کا باعث بنے گا۔

Comments

یہ بھی پڑھیں