نیول چیف اسٹاف ایشین ٹوراوپن گالف چیمپئن شپ، وائس ایڈمرل کلیم شوکت نے انعامات تقسیم کیے -
The news is by your side.

Advertisement

نیول چیف اسٹاف ایشین ٹوراوپن گالف چیمپئن شپ، وائس ایڈمرل کلیم شوکت نے انعامات تقسیم کیے

کراچی : یو ایم اے چیف آف دی نیول اسٹاف اوپن گالف چیمپیئن شپ شبیر اقبال نے جیت لی، ویمنز کیٹیگری میں آنیا فاروق فاتح رہیں، وائس ایڈمرل کلیم شوکت نے کامیاب گالفرز میں انعامات تقسیم کیے۔

تفصیلات کے مطابق کراچی گالف کلب میں نیول چیف اسٹاف ایشین ٹوراوپن گالف چیمپئن شپ کاپہلامرحلہ اختتام پذیر ہوگیا، چار روزہ چیمپیئن شپ میں میں ملک بھر سے چھ سو سے زائد بہترین گالفرز نے مختلف کیٹیگریز میں حصہ لیا۔

نیشنل چیپٹر کی تقسیم انعامات کی تقریب کراچی گالف کلب میں ہوئی، وائس چیف آف دی نیول اسٹاف وائس ایڈمرل کلیم شوکت مہمان خصوصی تھے۔

ویمنز گراس ایونٹ میں آنیا فاروق80اسکور پوائنٹس کے ساتھ کامیاب رہیں۔ حمیرہ خالد دوسرے نمبر پر رہیں۔ ایمچر کیٹیگری میں عاشق حسین نے بازی مارلی۔

پروفیشنل ایونٹ میں ملک کے معروف گالفر شبیر اقبال نے شاندار کارکردگی دکھاتے ہوئےسولہ انڈر پار کے ساتھ 272اسکور سے ٹائٹل جیت لیا۔ ہول ان ون کا اعزاز عنصر محمود کے نام رہا۔

اختتامی تقریب میں وائس چیف آف دی نیول اسٹاف وائس ایڈمرل کلیم شوکت نے کامیاب گالفرز میں انعامات تقسیم کیے۔ چار روزہ چیمپئن شپ کا پہلا مرحلہ27 تا 30 ستمبرتک کراچی گالف کلب میں کھیلا گیا، اگلے مرحلے میں11سے14اکتوبر تک میچز کراچی گالف کلب ہوں گے۔

Comments

comments

یہ بھی پڑھیں