The news is by your side.

Advertisement

نیول چیف ایڈمرل ظفر محمود عباسی کا متحدہ عرب امارات کا دورہ

کراچی: پاک بحریہ کے سربراہ ایڈمرل ظفر محمود عباسی نے متحدہ عرب امارات کا دورہ کیا۔ دورے کے دوران وہ نیول فورسز یونٹ اورگن ٹاؤٹ نیول بیس بھی گئے۔

تفصیلات کے مطابق پاک بحریہ کے ترجمان کا کہنا ہے کہ پاک بحریہ کے سربراہ ایڈمرل ظفر محمود عباسی نے متحدہ عرب امارات کا سرکاری دورہ کیا۔ دورے کے دوران نیول چیف نے ابو ظہبی شپ بلڈنگ یارڈ کا دورہ کیا۔

ابو ظہبی شپ بلڈنگ یارڈ آمد پر چیئرمین شپ یارڈ نے نیول چیف کا گرمجوشی سے استقبال کیا۔ نیول چیف کو شپ بلڈنگ یارڈ میں جہازوں کی تعمیر اور دیگر سہولیات پر بریفنگ دی گئی۔

ترجمان کے مطابق نیول چیف نے نیول فورسز یونٹ اورگن ٹاؤٹ نیول بیس کا دورہ بھی کیا اور ان یونٹس کے سربراہان سے ملاقاتیں کیں۔ ملاقاتوں کے دوران باہمی دلچسپی کے امور اور دو طرفہ بحری تعاون پر تبادلہ خیال کیا گیا۔

دورے کے اختتام پر نیول چیف نے یادگار شہدا پر پھولوں کی چادر بھی چڑھائی۔

ترجمان پاک بحریہ کا کہنا ہے کہ نیول چیف کا یہ دورہ دونوں مممالک میں بالعموم اور بحری افواج کے درمیان باالخصوص باہمی تعلقات کے فروغ کا باعث بنے گا۔

Comments

یہ بھی پڑھیں