سدھو کی تقریب حلف برداری میں شرکت، بھارتی میڈیا بھڑک اٹھا، مختلف شہروں میں مظاہرے -
The news is by your side.

Advertisement

سدھو کی تقریب حلف برداری میں شرکت، بھارتی میڈیا بھڑک اٹھا، مختلف شہروں میں مظاہرے

اسلام آباد : بھارتی سیاسی شخصیت نوجوت سنگھ سدھو کی عمران خان کی تقریب حلف برداری میں شرکت پر بھارتی میڈیا کو آگ لگ گئی، سدھو پر کیچڑ اچھالا گیا، بھارت میں سدھو کے خلاف مظاہرے پھوٹ پڑے۔

تفصیلات کے مطابق سابق بھارتی کرکٹرنوجوت سنگھ سدھو کی عمران خان کی تقریب حلف برداری میں شرکت پر بھارتی میڈیا کو پتنگے لگ گئے، کبھی سدھو کی نشست پر واویلا تو کبھی پاکستانی حکام سے ملاقاتوں پر شور مچا دیا مگر معتدل مزاج رکھنے والوں نے سدھو کی شرکت کو سراہا۔

سدھو کے آرمی چیف جنرل جاوید باجوہ سے گلے ملنے اور صدر آزاد کشمیر مسعود خان کے ساتھ بیٹھنے پر بھارتی میڈیا اور انتہا پسند آگ بگولہ ہوگئے، ہریانہ میں بی جے پی کے وزیر انیل وج سدھو پر برس پڑے، انہوں نے پنجاب حکومت سے نوٹس لینے کا مطالبہ کردیا۔

دوسری جانب لدھیانہ میں مشتعل افراد نے سدھو کے پوسٹر اور پتلے کو آگ لگادی ہے، انتہا پسند جماعتوں نے بھارت کے مختلف علاقوں میں مظاہرے کیے جس میں سدھو کے پتلے کو نذر آتش کیا گیا۔

مزید پڑھیں: عمران خان چیلنج پسند کرتے ہیں، انہیں مشکل سے لڑنا آتا ہے،سنیل گواسکر

تاہم انتہاء پسندوں اور میڈیا کی اشتعال انگیزی پر سابق بھارتی کرکٹر کپل دیو اور نامور کالم نگار سدھیندر کلکرنی نے پانی ڈالنے کی کوشش بھی کی۔

مزید پڑھیں: آرمی چیف نے سابق بھارتی کرکٹرنوجوت سنگھ سدھو کو گلے لگا لیا

واضح رہے کہ سابق بھارتی کرکٹر اور موجودہ سیاست دان نوجوت سنگھ سدھو عمران خان کی دعوت پر تقریب حلف برداری میں شرکت کیلئے پاکستان آئے تھے۔

Comments

comments

یہ بھی پڑھیں