The news is by your side.

Advertisement

بہاولپور کو علیحدہ صوبہ بنایا جائے، نواب آف بہاولپور کی ڈیڈ لائن

حکمران ہماری آنکھوں میں دھول نہ جھونکیں اور حکومتی مدت ختم ہونے سے قبل بہاولپور کو صوبہ بنائیں

ملتان: نواب آف بہاولپور صلاح الدین محمد عباسی نے حکومت کو بہاولپور صوبہ بنانے کی ڈیڈ لائن دیتے ہوئے کہا ہے کہ حکومتی مدت ختم ہونے کے بعد تحریک کا آغاز کیا جائے گا۔

ان خیالات کا اظہار انہوں نے میڈیا سے گفتگو کرتے ہوئے کیا، نواب آف بہاولپور کا کہنا تھا کہ حکمران ہماری آنکھوں میں دھول نہ جھونکیں اور حکومتی مدت ختم ہونے سے قبل بہاولپور کو صوبہ بنائیں۔

اُن کا کہنا تھا کہ تین روزمیں صوبےکی بحالی ممکن ہے اگر حکومت نے ہمارے مطالبے کو تسلیم نہیں کیا تو 30 مئی کے بعد صوبے کی بحالی کے لیے تحریک چلائیں گے۔

واضح رہے کہ نواب آف بہاولپور کا عہدہ صلاح الدین محمد عباسی کے  پاس ہے جو مشرقی پنجاب احمد پور کی پارلیمنٹ کے رکن بھی رہ چکے ہیں، آپ بہاولپور نیشنل عوامی پارٹی کے سربراہ بھی ہیں۔

مزید پڑھیں: جنوبی پنجاب کا صوبہ ہمارا نعرہ نہیں، مشن ہے، رانا قاسم نون

اس موقع پر مشترکہ پریس کانفرنس کرتے ہوئے مسلم لیگ ق کے رہنما طارق بشیر چیمہ کا کہنا تھا کہ ہم بہاولپور صوبے کی حمایت کا غیر مشروط اعلان کرتے ہیں، 18 مئی کو رحیم یار خان اور 25 مئی کو بہاولنگر میں جلوس نکالیں گے، اب حکومت سے صوبے کی بحالی کے بعد ہی کوئی اور بات ہوگی۔

اُن کا کہنا تھا کہ جنوبی پنجاب کا صوبہ قبول نہیں، اب بہاولپور کے عوام کی آنکھوں میں حکمران دھول جھونکنے کی کوشش نہ کریں کیونکہ ہمارے مسائل کو لاہور اور جنوبی پنجاب والے سننے کو تیار نہیں ہیں، پانی کی غیر منصفانہ تقسیم کی وجہ سے بہاولپور میں پانی کا ایک قطرہ تک موجود نہیں ہے۔

طارق بشیر چیمہ نے اعلان کیا کہ بہاولپور صوبے کی بحالی کے لیے ایسا اتحاد بنائیں گے جس کے کوئی ذاتی یا سیاستی مفادات نہ ہوں بلکہ وہ لوگ عوامی آواز کے ساتھ کھڑے ہوں، نئے صوبے کی تحریک کا آغاز ملکی ترقی کے نئے باب کھولے گا۔

یہ بھی پڑھیں:  پارٹی کے مزید لوگ بھی نواز شریف کے بیانیے کو نہیں مانتے، رانا قاسم نون

اس سے قبل جنوبی پنجاب سے تعلق رکھنے والے مسلم لیگ ن کے اراکین اسمبلی کی جانب سے بھی نئے صوبے کا مطالبہ سامنے آچکا ہے۔

خیال رہے کہ 1955 میں نواب آف بہاولپور صادق محمد نے گورنر جنرل ملک غلام محمد کے ساتھ معاہدے پر دستخب کیے تھے جس کے بعد بہاولپور کو پاکستان میں شامل کیا گیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں