site
stats
پاکستان

کراچی: سابق مشیر سندھ نواب علی لغاری اغوا

اسلام آباد: وفاقی دارالحکومت اسلام آباد سے سابق مشیر سندھ نواب علی لغاری کو نامعلوم افراد اپنے ساتھ لے گئے۔ اہل خانہ نے پولیس کو اغوا کی رپورٹ درج کروا دی۔

یاد رہے کہ یہ واقعہ اس وقت پیش آیا ہے جب سندھ کی اہم سیاسی شخصیت کے قریبی ساتھی اور معروف بزنس گروپ سے تعلق رکھنے والے اشفاق لغاری بھی گزشتہ روز سے پراسرار طور پر لاپتہ ہیں۔

سابق مشیر سندھ نواب علی لغاری کے اہل خانہ نے تھانہ لوہی بھیر پولیس کو رپورٹ درج کروائی ہے کہ نواب لغاری کو اغوا کیا گیا ہے۔

اہل خانہ کا کہنا ہے کہ سادہ لباس میں ملبوس چند افراد ان کی رہائش گاہ پر آئے اور نواب لغاری سے شناختی کارڈ طلب کیا۔ ان افراد نے خود کو سرکاری اہلکار ظاہر کیا۔

مذکورہ افراد نواب لغاری کی شناخت کے بعد انہیں زبردستی بلیک ویگو گاڑی میں ڈال کر ساتھ لے گئے جس کے بعد تاحال نواب لغاری کا رابطہ گھر والوں سے منقطع ہے۔

اشفاق لغاری کی گمشدگی

دوسری جانب سندھ کی اہم سیاسی شخصیت کے قریبی ساتھی اشفاق لغاری کل شام ساڑھے سات بجے اپنی رہائش گاہ سے نکلے اور 9 بجے ان کا اپنی بیٹی سے رابطہ ہوا۔ 40 منٹ بعد ان کا نمبر بند ہوگیا۔

بعد ازاں اشفاق لغاری کی گاڑی سہراب گوٹھ پر واقع مکہ ہوٹل کے قریب لاوار4ث حالت میں ملی۔ گاڑی کے شیشے کھلے ہوئے تھے جبکہ چابی بھی گاڑی میں لگی ہوئی تھی۔

پولیس نے تحقیقات شروع کردی ہیں اور ان کے مطابق تحقیقات کے بعد ابتدائی رپورٹ جاری کی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top