نواب شاہ میں مسلح افراد کی فائرنگ دو بچے ہلاک -
The news is by your side.

Advertisement

نواب شاہ میں مسلح افراد کی فائرنگ دو بچے ہلاک

نواب شاہ: مرزا فرخ بیگ گاؤں میں پرانی دشمنی پر مسلح افراد کی فائرنگ سے دو بچے ہلاک اور متعدد افراد زخمی ہو گئے،زخمیوں کو اسپتال منتقل کر دیا گیا.

تفصیلات کے مطابق نواب شاہ کے علاقے جام صاحب تھانے کی حدود گاؤں مرزا فرخ بیگ میں نامعلوم مسلح افراد نے ایک گھر پر حملہ کردیا فائرنگ کے نتیجے میں دو معصوم بچے آٹھ سالہ شہنیلا اورڈھائی سالہ ذاکر حسین موقع پر ہی جاں بحق ہوگئے.

فائرنگ کے نتیجے میں چھ افراد شدید زخمی ہوئےجن میں خواتین اور بچے شامل ہیں.

واقعے کی اطلاع پر پولیس کی بھاری نفری نے علاقے کو گھیرے میں لے کر جاں بحق ھونے والے بچوں اور زخمیوں کو پی ایم یو اسپتال نواب شاہ منتقل کر دیا،جہاں زخمیوں کو طبی امداد دی گئی.

ڈاکٹرکے مطابق ایک بچے کی حالت انتہائی نازک ہے،پولیس کےمطابق واقعہ پرانی دشمنی کا شاخسانہ ہے،جاں بحق اور زخمی ہونے والوں کا تعلق بگٹی قبیلے سے ہے،پولیس واقعے کی مزیدتحقیقات کررہی ہے.

Comments

comments

یہ بھی پڑھیں