The news is by your side.

Advertisement

خوفناک ٹریفک حادثہ ، کار میں سوار ایک ہی خاندان کے 7 افراد جھلس کر جاں بحق

نوابشاہ : قاضی احمد کے قریب گاڑی میں آگ لگنے سے کار میں سوار 7 افراد جھلس کرجاں بحق ہوگئے، بد قسمت فیملی حیدرآباد سے عید کی خریداری کے بعد مورو جارہی تھی۔

تفصیلات کے مطابق نواب شاہ میں قومی شاہراہ قاضی احمد کے قریب چھنڈن شاخ نہر کے مقام تیز رفتاری کے باعث کار کو حادثہ پیش آیا ہے۔

حادثے میں کار تیز رفتاری کے باعث نہر کے پل سے ٹکرا کر الٹ گئی، جس کے باعث کار میں آگ لگ گئی، جس کے نتیجے میں کار میں سوار 7 افراد جل کر لقمہ اجل بن گئے۔

پولیس کا کہنا ہے کہ مقامی افراد نے لاشوں کو کار سے باہر نکالا، جاں بحق ہونے والوں میں 3 بچوں 3 خواتین اور ایک شخص شامل ہے۔

پولیس کے مطابق جاں بحق ہونے والوں کی شناخت نہیں ہوسکی ہے، کار سوار بد قسمت فیملی حیدرآباد سے عید کی خریداری کے بعد مورو جارہی تھی، لاشوں کو سول اسپتال منتقل کیا جارہا ہے۔

وزیراعلیٰ سندھ سید مراد علی شاہ نے نواب شاہ ٹریفک حادثے کا نوٹس لیتے ہوئے کمشنر ،ڈی آئی جی شہید بینظیر آباد کو متاثرہ خاندان سے تعاون کی ہدایت
کردی۔

وزیراعلیٰ سندھ نے واقعے کی انکوائری کر کے رپورٹ بھی طلب کرلی۔

Comments

یہ بھی پڑھیں