اداکارہ نوال سعید اور شہروز سبزواری کی نئی تصاویر سوشل میڈیا پر وائرل ہوگئیں۔
اداکارہ نوال سعید نے شہروز سبزواری کے ساتھ فوٹو اور ویڈیو شیئرنگ ایپ انسٹاگرام پر نئی تصاویر شیئر کیں جسے مداحوں کی جانب سے خوب سراہا جارہا ہے۔
نوال نے تصاویر شیئر کرتے ہوئے کیپشن میں لکھا کہ ’ہمارے ساتھ ڈرامہ سیریل ’دل ویراں‘ کون کون دیکھ رہا ہے؟
View this post on Instagram
اداکارہ نے چند گھنٹوں یہ تصاویر شیئر کیں جسے اب تک ہزاروں صارفین دیکھ چکے ہیں اور مداح کمنٹس سیکشن میں ڈرامے سے متعلق بتا رہے ہیں۔
واضح رہے کہ اے آر وائی ڈیجیٹل کے ڈرامہ سیریل ’دل ویراں‘ میں نوال سعید ’منہل‘ شہروز سبزواری (طلال) کی اہلیہ کا کردار نبھا رہی ہیں۔
ڈرامے کی دیگر کاسٹ میں حسن خان (حیدر)، راشد فاروقی (طلال کے والد) سیمی پاشا (زاہدہ) حنا رضوی (طلال کی والدہ)، صبیحہ ہاشمی (منہل کی آنٹی) شامل ہیں۔
ڈرامے کی کہانی میں حیدر اور منہل یونیورسٹی کے ساتھی ہیں اور ایک دوسرے سے پیار کرتے ہیں، حیدر کے نوکری کے لیے بیرون ملک جانے کے بعد ان کی بہن نے جوڑے کے درمیان فاصلہ پیدا کر دیا۔
راشد فاروقی (لالچی خاور طلال کے والد) اور ان کی اہلیہ اپنے بیٹے طلال کی منہل کے ساتھ شادی کرنے کی خواہش رکھتے ہیں اور دونوں کی شادی ہوجاتی ہے۔
یاد رہے کہ اس سے قبل نوال سعید اے آر وائی ڈیجیٹل کے ڈرامہ سیریل ’فریاد‘ میں انعم کا کردار نبھایا تھا۔