The news is by your side.

Advertisement

نواز لیگ کا تینوں حلقوں میں پی ٹی آئی سے مقابلے کا فیصلہ

اسلام آباد : مسلم لیگ ن نے قومی اسمبلی کے تین حلقوں میں عوامی عدالت میں جانے کا فیصلہ کر لیا ہے۔

تفصیلات کے مطابق قومی اسمبلی کے حلقہ این اے 122،124اوراین اے 154میں الیکشن ٹریبونلز نے ن لیگ کے خلاف فیصلہ دیتے ہوئے انتخاب کالعدم قرار دیا تھا۔

ن لیگ کے ذرائع کے مطابق ن لیگ قانونی جنگ لڑنے کی بجائے عوامی عدالت سے رجوع کرے گی۔

ذرائع کے مطابق وفاقی وزیر خواجہ سعد رفیق سپریم کورٹ میں دائر اپنی اپیل واپس لے لیں گے اور تینوں حلقوں میں پی ٹی آئی کا مقابلہ کیا جائے گا۔

واضح رہے کہ این اے 122 میں الیکشن ٹربیونل نے ایاز صادق کے کے حلقے میں ری الیکشن کا حکم دیا تھا، جس کے خلاف ایاز صادق نے سپریم کورٹ سے رجوع کرنے کا اعلان کیا تھا۔

جبکہ این اے 125 میں وزیر ریلوے خواجہ سعد رفیق کی فتح کو کالعدم قرار دیا گیا تھا جس کے خلاف خواجہ سعد رفیق نے سپریم کورٹ سے رجوع کیا تھا۔

الیکشن ٹربیونل نے آج این اے 154 میں ن لیگ کے امیدوار صادق بلوچ کو جعلی ڈگری پر تاحیات نااہل قرار دے دیا ہے۔اب نوان لیگ نے اعلان کیا ہے کہ تینوں حلقے میں دوبارہ الیکشن لڑیں گے۔

ذرائع کے مطابق الیکشن لڑنے کا باضابطہ اعلان وزیراعظم نواز شریف کریں گے۔

Comments

comments

یہ بھی پڑھیں