لیگی رکن سندھ اسمبلی اسماعیل راہو مستعفی، کل پی پی میں شامل ہونگے -
The news is by your side.

Advertisement

لیگی رکن سندھ اسمبلی اسماعیل راہو مستعفی، کل پی پی میں شامل ہونگے

کراچی : مسلم لیگ ن کی ایک اور وکٹ گرگئی، ن لیگ کے اسماعیل راہو سندھ اسمبلی سے مستعفی ہوگئے، وہ کل پیپلز پارٹی میں باقاعدہ شمولیت کا اعلان کریں گے۔

تفصیلات کے مطابق پیپلزپارٹی نے سندھ میں مسلم لیگ ن کی ایک اور وکٹ اڑادی، مسلم لیگ (ن) سندھ کے سابق صدر اور رکن سندھ اسمبلی اسماعیل راہو نے اسمبلی رکنیت سے استعفیٰ دیدیا ہے، اسماعیل راہو مسلم لیگ ن کے رکن اسمبلی کی حیثیت سے کام کر رہے تھے۔

انہوں نے اپنا استعفیٰ اسمبلی سیکریٹریٹ میں جمع کرادیا ہے، اسماعیل راہو کل آصف زرداری کی موجودگی میں پیپلزپارٹی میں شمولیت کا اعلان کرینگے۔

یاد رہے کہ گزشتہ ماہ سابق صدر اور پیپلز پارٹی کے شریک چیئرمین آصف علی زرداری سے مسلم لیگ ن سندھ کے رکن اسمبلی اسماعیل راہو نے رابطہ کیا تھا۔ اسماعیل راہو جام صادق علی اور لیاقت علی جتوئی کی کابینہ میں وزیر کی حیثیت سے ذمہ داریاں نبھا چکے ہیں۔

قبل ازیں مسلم لیگ نواز کی مرکزی قیادت نے نواز لیگ سندھ کے صدر محمد اسماعیل راہو کو پیپلز پارٹی میں شمولیت کی کوششوں کے بعد عہدے سے ہٹا کر ان کی جگہ صدر ڈسٹرکٹ بار لاڑکانہ بابو سرفراز جتوئی ایڈووکیٹ کو مسلم لیگ (ن) سندھ کا نیا صدر مقرر کردیا تھا۔

واضح رہے کہ اس سے قبل نواز لیگ کے سینئیررہنما عبدالحکیم بلوچ بھی پیپلز پارٹی میں شامل ہوچکے ہیں۔

Comments

comments

یہ بھی پڑھیں