نواز لیگ کے سابق ایم این اے نے پی ٹی آئی کی حمایت کا اعلان کردیا -
The news is by your side.

Advertisement

نواز لیگ کے سابق ایم این اے نے پی ٹی آئی کی حمایت کا اعلان کردیا

لاہور : ن لیگ کے سابق رکن قومی اسمبلی اختر کانجو نے این اے 154 کے ضمنی الیکشن میں جہانگیر ترین کی حمایت کا اعلان کردیا ہے، یہ اعلان انہوں نے جہانگیر ترین کے ہمراہ پریس کانفرنس میں کیا ۔

جہانگیر خان ترین کا اختر کانجو کے ہمراہ پریس کانفرنس کرتے ہوئے کہنا تھا کہ اختر کانجو دو مرتبہ قومی اسمبلی کے رکن رہ چکے ہیں اور مجھے خوشی ہے کہ ضمنی الیکشن میں وہ میری حمایت کررہے ہیں ان کی حمایت سے فیصلہ یقینا ہمارے حق میں ہوگا۔

جہانگیر ترین نے کہا کہ ن لیگ کواین اے 154 کے الیکشن میں ہار نظر آرہی ہے اور الیکشن سے فرار چاہتی ہے اور عدالتوں کے پیچھے چھپنے کی کوشش کررہی ہے میں کہتا ہوں کہ وہ میدان میں آئیں اور مقابلہ کریں لودھراں کے عوام انہیں زبردست شکست دیں گے۔

انہوں نے کہا کہ ہم تینوں ضمنی الیکشن میں مخالفین کو شکست دیں گے اختر کانجو نے کہا کہ انہوں نے پارٹی کے نامناسب رویے کے باعث دوستوں سے صلاح مشورے کے بعد غیر مشروط طور پر جہانگیر ترین کی حمایت کا فیصلہ کیا ہے۔

انہوں نے کہا کہ وہ پارٹی چھوڑ نہیں رہے بلکہ پورے گروپ سمیت حمایت کریں گے، اختر کانجو کیساتھ ن لیگ کے سابق ایم پی اے طاہر ملیزئی، ن لیگ کے سابق ایم این اے قاسم ملیزئی، ن لیگ کے سابق ٹکٹ ہولڈرز زوار وڑائچ اور محمود نواز جوئیہ نے بھی جہانگیر ترین کی حمایت کا فیصلہ کیا ہے۔

Comments

comments

یہ بھی پڑھیں