The news is by your side.

Advertisement

نواز شریف اور مریم نواز کا نام ای سی ایل میں ڈال دیا گیا، ذرائع

اسلام آباد : ایوان فیلڈ ریفرنس میں سزا یافتہ سابق وزیراعظم نواز شریف اور ان کی بیٹی مریم نواز کا نام ای سی ایل میں ڈال دیا گیا، دونوں کا نام سزا ہونے پر ڈالا گیا۔

تفصیلات کے مطابق ذرائع وزارت داخلہ کا کہنا ہے کہ سیکریٹری داخلہ نے سابق وزیراعظم نواز شریف اور ان کی صاحبزادی مریم نواز کے نام ای سی ایل میں ڈالنے کی منظوری دی، جس کے بعد دونوں کا نام ای سی ایل میں ڈال دیا گیا۔

ذرائع کا کہنا ہے نوازشریف اور مریم نواز کا نام سزا ہونے پرای سی ایل میں ڈالا گیا۔

یاد رہے نیب ہیڈ کوارٹرزکی جانب سے نواز شریف،مریم کا نام ای سی ایل میں ڈالنے کیلئے وزارت داخلہ کو خط لکھا گیا ، جس میں وزارت داخلہ کو شریف خاندان کیخلاف فیصلے سے آگاہ کیا گیا۔

میاں نوازشریف اور ان کی صاحبزادی مریم نواز نے 13 جولائی کو وطن واپسی کا اعلان کیا ہے جب کہ نیب نے انہیں لاہور سے ہی اڈیالہ جیل منتقل کرنے کا فیصلہ کیا ہے جبکہ  طیارے میں ہی امیگریشن ہوگی اور  جج کوبھی اڈیالہ جیل بلانےکی تجویزپیش کردی ہے۔


مزید پڑھیں :  نوازشریف اورمریم نواز کو لاہور سے بذریعہ ہیلی کاپٹر اڈیالہ منتقل کرنے کا فیصلہ


ڈی جی نیب لاہورنے چیئرمین کو خط میں لکھا ہے، جس میں کہا گیا ہے کہ  لاہور ایئرپورٹ پرہیلی کاپٹردرکار ہے۔

اس سے قبل جون میں بھی نیب نے ایون فیلڈ ریفرنس میں نامزد افراد کے نام ای سی ایل میں ڈالنے کی سفارش کی تھی اور اس ضمن میں‌ نیب کی جانب سے وزارت داخلہ کو خط لکھا تھا۔

واضح رہے کہ وفاقی دارالحکومت اسلام آباد میں احتساب عدالت نے سابق وزیراعظم نواز شریف، حسن اور حسین نواز، ان کی صاحبزادی مریم نواز اور داماد کیپٹن (ر) صفدر کے خلاف ایون فیلڈ ریفرنس کا فیصلہ سنایا تھا۔

فیصلے میں نواز شریف کو دس سال قید اور جرمانے، مریم نواز کو سات سال قید مع جرمانہ جبکہ کیپٹن صفدر کو ایک سال قید کی سزا سنائی تھی۔

خیال رہے گزشتہ روز احتساب عدالت نے کیپٹن صفدر کو اڈیالہ جیل بھیج دیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں