site
stats
پاکستان

جس عدالت میں دیکھو میرے خلاف ہی مقدمہ چل رہا ہے ،نواز شریف

اسلام آباد : نااہل وزیراعظم نوازشریف کا کہنا ہے کہ جس عدالت میں دیکھو میرے خلاف ہی مقدمہ چل رہا ہے، تمام کیسزکی وجہ کیا ہوسکتی ہے، اسے تلاش کرنا چاہیے۔

تفصیلات کے مطابق احتساب عدالت کے باہر میڈیا سے گفتگو کرتے ہوئے نااہل وزیراعظم نوازشریف نے کہا کہ ہر طرف میرا ہی کیس چل رہا ہے، تمام عدالتوں میں نوازشریف کیخلاف مقدمات چل رہے ہیں، تمام کیسز کی وجہ کیا ہوسکتی ہے، اسے تلاش کرنا چاہیے۔

نوازشریف کا کہنا تھا کہ سپریم کورٹ اور ہائی کورٹس میں نواز شریف کے خلاف ہی مقدمے چل رہے ہیں ،نا اہلی کیس میں عدالت میں پیش ہونے سے متعلق ابھی فیصلہ نہیں کیا ۔

دوسری جانب وکیل نوازشریف کا کہنا تھا کہ ضمنی ریفرنس میں پرانے الزامات دہرائے گئے ، ضمنی ریفرنس میں کوئی نئی چیز نہیں ہے،وکیل نوازشریف
ضمنی ریفرنس کےکاغذات جے آئی ٹی کاحصہ تھے۔


مزید پڑھیں : آج کل سپریم کورٹ میں تمام مقدمات میرے خلاف لگے ہوئے ہیں، نواز شریف


یاد رہے سابق وزیر اعظم میاں نواز شریف نے کہا تھا کہ آج کل سپریم کورٹ میں تمام مقدمات میرے خلاف لگے ہوئے ہیں۔ یہ زندگی بھرکے لئے نااہل کردیں پھربھی عوام سے رشتہ نہیں ٹوٹے گا، ججز کے فیصلے کو قوم مسترد کردے گی، یہ کون ہیں، جومجھے آپ سے جدا کریں۔

گذشتہ پیشی پر نواز شریف کا کہنا تھا کہ سمجھ نہیں آرہامیرےخلاف کیس کیاہے، کیس کی نوعیت کیا ہےسب سے بہتر آپ لوگ جانتے ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top