The news is by your side.

Advertisement

لیگی امیدوار قمرالاسلام کی گرفتاری افسوس ناک ہے‘ نوازشریف

لندن: سابق وزیر اعظم اور مسلم لیگ ن کے قائد میاں نواز شریف نے کہا ہے کہ لیگی امیدوار قمرالاسلام کی گرفتاری افسوس ناک ہے، گرفتاری کی اطلاع ملی تو بہت دکھ ہوا۔

ان خیالات کا اظہار انہوں نے لندن میں میڈیا سے گفتگو کرتے ہوئے کیا، خیال رہے کہ آج نیب لاہور نے ن لیگ کے رہنما اور این اے 59 سے انتخابی امیدوار قمر الاسلام کو راولپنڈی سے صاف پانی اسکینڈل میں ملوث ہونے پر گرفتار کیا ہے۔

میڈیا سے گفتگو کے دوران اے آر وائی نیوز نے سوال کیا کہ کیا آپ برطانوی اخبار کی خبر پر ہتک عزت کا دعویٰ کریں گے؟ تاہم برطانیہ میں جائیداد کے سوال کا نوازشریف نے جواب دینے سے گریز کیا۔


مسلم لیگ ن کے امیدوار قمر الاسلام راجا گرفتار


نواز شریف کا مزید کہنا تھا کہ انفیکشن کی وجہ سے بیگم کلثوم کی صحت خراب ہورہی ہے، بیگم کلثوم صحت یاب ہوجائیں تو وطن واپس لوٹوں گا، ملک میں جاکر سیاست کروں گا۔

خیال رہے کہ گرفتار لیگی رہنما قمر الاسلام نے ایک ارب روپے سے زائد کی کرپشن کی ہے، قمر الاسلام پر 84 واٹر ٹریٹمنٹ پلانٹس کا مہنگے داموں ٹھیکا دینے کا الزام ہے۔

ترجمان نیب کے مطابق واٹر پلانٹس میں 56 ریورس آسموسز پلانٹس، 28 الٹرا فلٹریشن پلانٹس شامل ہیں جبکہ واٹر پلانٹس حاصل پور، منچن آباد، خان پور اور لودھراں میں لگائے جانے تھے۔

خیال رہے کہ قمر الاسلام قومی اسمبلی کے حلقے 59 پر چوہدری نثار کے مدِ مقابل ہیں، انھیں ن لیگ نے چوہدری نثار کا مقابلہ کرنے کے لیے ٹکٹ جاری کیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں