The news is by your side.

Advertisement

پاکستان واپس جا کر سیاست کروں گا: نواز شریف

لندن: سابق وزیر اعظم اور مسلم لیگ ن کے قائد میاں نواز شریف نے کہا ہے کہ لندن میں سیاسی باتیں اچھی نہیں لگتیں، پاکستان واپس جاکر سیاست کروں گا۔

ان خیالات کا اظہار انہوں نے لندن میں صحافیوں سے گفتگو کرتے ہوئے کیا، اس موقع پر صحافی نے نوازشریف سے پاکستان واپسی سے متعلق سوال کیا جس کے جواب میں ان کا کہنا تھا کہ کیا آپ کو لگتا ہے کہ اہلیہ کو اس حال میں چھوڑ کر مجھے پاکستان جانا چاہیے؟

ان کا مزید کہنا تھا کہ اسپتال سے بیٹھ کر سیاست کی بات کرنا اچھا نہیں لگتا، وطن واپس پہنچ کر سیاست کروں گا، پاکستان سے آیا ہوں اور پاکستان ہی واپس جانا چاہتا ہوں۔


آرمی چیف کی بیگم کلثوم نواز کے لیے دعا اور نیک تمناؤں کا اظہار


خیال رہے کہ بیگم کلثوم نواز کو گذشتہ دنوں دل کا دورہ پڑا تھا جس کے بعد سے وہ لندن کے اسپتال میں زیر علاج ہیں جہاں ان کی حالت تشوش ناک ہے۔

گذشتہ دنوں لندن میں میڈیا سے گفتگو کرتے ہوئے سابق وزیر اعظم نواز شریف نے کہا تھا کہ ڈاکٹرز کے مطابق کلثوم نواز کی حالت تشویش ناک ہے، ایسے حالات میں مجھے ان کے پاس رہنا چاہیے۔


کلثوم نواز کی حالت تشویش ناک ہے، ایسے حالات میں مجھے ان کے پاس رہنا چاہیے، نواز شریف


انہوں نے یہ بھی کہا تھا کہ مجھے معلوم نہیں تھا کہ کلثوم نواز کو ہارٹ اٹیک ہوا ہے اور حالت تشویش ناک ہے، حسن نے فون کرکے ائیرپورٹ سے سیدھا اسپتال آنے کا کہا تھا، جب میں یہاں آیا تو معلوم ہوا بیگم کلثوم اسپتال کے آئی سی یو میں ہیں اور بے ہوش ہیں، آج ان کا سی ٹی اسکین بھی ہوا ہے، وہ تاحال آئی سی یو میں ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں