The news is by your side.

Advertisement

نواز شریف کے خط کے مندرجات فضل الرحمان سے شیئر کرنے کا فیصلہ

لاہور: پاکستان مسلم لیگ ن کے رہنما احسن اقبال نے کہا ہے کہ نواز شریف کو آزادی مارچ کے مقاصد سے اتفاق ہے، لیگی قائد نے روڈ میپ دے دیا۔

تفصیلات کے مطابق آج لاہور میں آزادی مارچ سے متعلق ن لیگ کا مشاورتی اجلاس بلایا گیا، جس کے بعد میڈیا سے گفتگو کرتے ہوئے احسن اقبال نے کہا کہ نواز شریف نے شہباز شریف کو خط لکھا تھا، اس خط کے مندرجات مولانا فضل الرحمان سے شیئر کیے جائیں گے۔

انھوں نے کہا ن لیگ کو اس وقت ایک اہم کردار ادا کرنا ہے، نواز شریف نے ن لیگ کے لیے مکمل روڈ میپ دیا ہے، ن لیگ کی تقسیم در تقسیم کی افواہیں اب ختم ہونی چاہئیں۔

احسن اقبال کا کہنا تھا کل ن لیگ کے قائد نے مجھے بھی ہدایت دی ہے، ہمارا ایک وفد مولانا فضل الرحمان سے ملاقات کرے گا، آزادی مارچ سے متعلق ن لیگ اپنا لائحہ عمل بنائے گی اور خط کے مندرجات فوری طور پر مولانا سے شیئر کیے جائیں گے۔

ن لیگی رہنما نے مزید کہا پاکستان کے عوام کی مشکلات بڑھ رہی ہیں، ملک میں بے روگاری، غربت، لا قانونیت بڑھ رہی ہے، یہ وہ پاکستان نہیں جس کی بنیاد ہم رکھ کر گئے تھے، پورے ملک میں ڈینگی کی وبا پھیل گئی ہے، شہباز شریف نے ڈینگی کا خاتمہ کیا تھا۔

احسن اقبال کا مؤقف تھا کہ پاکستان سفارت کاری میں تنہا ہو چکا ہے، وزیر اعظم سعودی عرب اور ایران کی صلح کرانے چلے ہیں، کیا ملک کے مسائل کو حل کر لیا گیا ہے۔

قبل ازیں، مسلم لیگ ن کے مشاورتی اجلاس میں آج شہباز شریف کمر درد کے باوجود شریک ہوئے، وہ کمر درد کے باعث نواز شریف سے ملاقات کرنے جیل نہیں گئے تھے، اجلاس میں شہباز شریف آرام دہ صوفے کی بجائے کرسی پر بیٹھے۔

Comments

comments

یہ بھی پڑھیں