لندن: ایون فیلڈ ریفرنس میں سزا پانے والے نواز شریف اور مریم نواز کو لے کر غیر ملکی ایئرلائن کی پرواز لندن سے روانہ ہوگئی.
تفصیلات کے مطابق سابق وزیراعظم اور ان کی بیٹی ہارلے اسٹریٹ سے ہیتھرو ایئرپورٹ پہنچے جس کے بعد غیر ملکی ایئرلائن کی پرواز نے پاکستانی وقت کے مطابق سوا ایک بجے لندن سے اڑان بھری.
نگراں حکومت نے ایون فیلڈ ریفرنس کے مجرموں کو اڈیالہ منتقل کرنے کی تیاریاں مکمل کر لی، نوازشریف اور مریم نواز کو پاکستانی سرزمین پرقدم رکھتے ہی جیل بھیج دیا جائے گا.
حکومتی ذرایع کے مطابق نیب کی ٹیم مجرموں کو گرفتار کرنے کے بعد امیگریشن خود کرائے گی۔
اڈیالہ جیل میں ہیلی پیڈ تیارہوچکا ہے، جیل کا سرچ آپریشن بھی مکمل ہوگیا، جیل کے باہر پولیس کی بھاری نفری تعینات کر دی گئی ہے. اسنیپ چیکنگ کا سلسلہ بھی شروع ہوگیا ہے.
حکومتی ذرایع کے مطابق اس وقت مزید دو جیلوں کے آپشن بھی زیر غور ہیں، جن میں مچھ جیل سرفہرست ہیں. حکومت نے لیگی کارکنوں کے احتجاج کے پیش نظر رینجرز کو الرٹ رہنے کی ہدایت کر دی.
میٹروبس اور اسپیڈو بس بند رکھنے کا بھی فیصلہ کیا گیا ہے، گرفتاری میں رکاوٹ ڈالنے والوں سے نمٹنے کے لئے کنٹینر کھڑے کردیے گئے.
لاہور ایئرپورٹ پر موجود ہیلی کاپٹرز
نواز شریف اور مریم نوازکی گرفتاری کے لئے نیب کی حکمت عملی تیار کر لی، دو ہیلی کاپٹر لاہور ایئرپورٹ پہنچا دیے گئے ہیں.
نیب کی دو ٹیمیں لاہورایئرپورٹ، دو اسلام آباد ایئرپورٹ پرتعینات ہوں گی، گرفتاری کے بعد نوازشریف اور مریم نواز کو راولپنڈی، اسلام آباد لایا جائے گا.
وزارت دفاع کی نیب ٹیم کو لاہور ایئرپورٹ ایپرن تک جانے کی اجازت
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
